Ka Nupepa Kuokoa, Volume XLII, Number 35, 30 August 1907 — HE MOOLELO NO INIA HIKINA. [ARTICLE]

HE MOOLELO NO INIA HIKINA.

Ua manao na poe apau i ka moo nahesa he holoholona maikai ole ia, a o ka oi loa aku nae o ka nahesa i loaa ka wai awa e make ai ke kanaka, aka nae mamuli o kekahi wahi moolelo pokole o Inia e maopopo ai, aole no ka he inoino o keia ano holoholona, a mamuli o kx hana a keia holoholona i loaa ai ka pono i kekahi kanaka, a peuei ke ano o ua moolelo la: Aia kekahi poe kanaka e kaahele ana ma Inia, a aia hoi iwaena o ,keia poe e kaahele nei, kekahi mau kanaka eono i haule i ke aloha no kekahi kaikamahine u'i e hele pu nei me lakou. Ua hele holoholo aku la nae ke kanaka o lakou i aloha loa i keli 4 kaikamahine i kekahi po mahina, a no kona manao oia hookahi wale .no keia e ku nei ma ka'e one ma ka aoao o ka muliwai, ua noke ae la oia i ka hoike i kona manao aloha no ke kaikamahine me ka leo nui, a i ka pau ana o kana kamailio ana, ua kulou iho la oia a ike iho la i ke ki ae o kekahi moo malalo pono o kona wawae. Ua hauhiliki ka moo iaia iho a paa, a e noke ana i ke kupaka, me ka nui oka ehaeha. Loaa iho la nae ka manao aloha i keia kanaka po ka holoholona a wehewehe iho la oia i ka hihia o ka huelo o ka, moo, a iaia i hoi aku ai i kona walii, ua hahai pu aku la no ka mo» .mahope ona, a no keia hahai ana aku hoi o ka moo iaia, ua hanai mai la oia i ka waiu, iaia i hiki aku ai i ko lakou wahi e noho ana. Heaha nae ka hana ma ka aoao o ka moo no ka hoike ana mai i jcona aloha? Ma kela po. mahope iho oka loaa ana oka ikaika iaia mamuli o ka hanaiia ana i ka waiu, ua kokolo aku la oia iloko o ka ,hale lole o na hoa paonioni elima o kona hoola, a noke aku la i ke nahu ma ke ano e pau loa ai lakou i ka make, a o ka mare no ia o keia kanaka i ke kaikamahine, a noho hauoli hoi laua ma ke koena ma£ o ko laua mau la o ke ola ana.