Ka Nupepa Kuokoa, Volume XLII, Number 35, 30 August 1907 — O WAIKIKI KAHI A KA AIHUE E MAAU HELE MAI NEI. [ARTICLE]
O WAIKIKI KAHI A KA AIHUE E MAAU HELE MAI NEI.
I ka pule aku nei i liala i hoikeia mai ai ka lohe i ka oihana makai, i ka hoao ana ae o kekalii mea aihue e komo ma kekahi mau hale o Waikiki, eia nae aole i holopono ia mau hana ana a ka mea aihue. Ma ka hoike mai nae a kekahi mea e noho nei ma Waikiki ia makou o kona hale kekahi i komoia a ua lilo aku kana mau mea gula i ka aihueia, koe aku nae ka maopopo ana o ka mea nana i aihue. Ma ka po o ka Poalima i liala i hoaoia ae ai ko' Mr. Clemons hale e komo aihueia, a mamuli nae o ka lohe e ana mai o ka mea nona ka hale i ka nakeke aku o ka puka aniani, ua holo koke mai la oia e kiei, a ike mai la oia i ka.holo e ana o ua mea la, a ma kana hoomaopopo, he Kepani ka mea e hoao ana e aihue.