Ka Nupepa Kuokoa, Volume XLII, Number 34, 23 August 1907 — AOLE I NALOWALE KA MOKUPUNI LAYSAN. [ARTICLE]

AOLE I NALOWALE KA MOKUPUNI LAYSAN.

E lilo ana i mea hoohenehene nuiia no kapena 01esen, ke kapena 0 ka Mokukuna Luka i hoi nele mai ai me ka loaa ole o ka Mokupuni Lysan i ka pule aku nei i hala, oiai ma ka lono kelekalapa i loaa mai 1 keia kulanakauhale ma ka auwina la o ka Poakahi nei, aia no ua mokupuni la ke ku la no ma kona wahi mau, aole he wahi mea a neeu a'e mai kona kulana mua aku. Mai ka mokupuni Midway mai i hoounaia mai ai kela lono, no ke kipa ana aku o ka Mokukolo Amellka Iroquois i ka mokupuni Lysaft ma ka la 150 Augate nei, a he maikai ke ola o na mea apau maluna o ua mokupuni nei. O na mea i manao waleia, no ka nalowale honua ana o keia mokupuni a me kekahi mau olelo hoonuinui e a'e, he mau olelo wale no ia no ke au o ka manawa, oiai ua loaa mai la ka mea oiaio, a he lawa ole no no kela kapena kona kumu o ka hiki ole ana i kahi i makemakeia. Mamuli o ka hoea ana mai 0 keia meahou, ke liuliu mai nei ka Mokukuna Luka e haalele koke ia Honolulu nei no kana huakai no ka lua o ka manawa no keia mokupuni me na lako no ka poe e noho mai la ilaila, malalo hoi o ka hookele ana a Kapena Rosehill.