Ka Nupepa Kuokoa, Volume XLII, Number 34, 23 August 1907 — HANA KE KOREA I KE DALA KEPAU MUA. [ARTICLE]

HANA KE KOREA I KE DALA KEPAU MUA.

Ma kekahi la o ka pule i hala i hana ae ai kela Korea o Kim ka inoa i ke dala kepau apuka mua me kahi mikini hana dala apuka ana i hopuia mai nei ma Hawaii, maloko o ke keena o ka Uamuku.

He dala wale no keia i hanaia i mea hoikeike i ke ano o ke kuni ia ana; o ke kepau no me ke kanaha keneta ma ke gula i hoohuiia a ua like loa nae ke nana iho me ke dala gula Amenka maoli. Ua like loa ke kaūmaha. He kamahao ka hana noeau a keia Korea. Me na wahi apuapu liilii wale no oia i apuapu ai a loaa ke kuni a me ia wahi mea no oia i hana ai a piha he tausani o keia ano dala i ka la i hanaia a like loa me ke dala Amerika maoli e ike ole ia ai no e ka poe holona, o ka poe akamai wale no ke ike; a ina e hooia na wahi mikini nei iloko o ka pahu kika e pau pono ana no iloko. Wahi ana 1 kaena ae ai oia wale no ka mea hookahi i ike i Ita hana i keia ano dala aohe mea hou a« maloko o keia Teritori, me ka manao ole ae i Hawaii hou aku nei no ka Ilamuku Hendry kahi 1 hopu hou mai nei he Korea hana dala apuka hou no. Aole oo paha i pau eia hou aku no a kai huluhulu hou ia mai. Ke hoomaopopo iho ma kana olelo he hookahi tausani dala e hanaia i ka ia a he ehikn tausani ia i ka pule, a he aneane kanakolu tausani dala i ka mahina. Nui maoli k-ela.