Ka Nupepa Kuokoa, Volume XLII, Number 34, 23 August 1907 — HO-OIA KA PEPEHIKANAKA ILOKO O KA PAHU A HOOUNAIA MA KA MOKU. [ARTICLE]

HO-OIA KA PEPEHIKANAKA ILOKO O KA PAHU A HOOUNAIA MA KA MOKU.

Mai kekahi Pake kalewa kapiki kamaaina niai i loaa mai ai keia wahi moolelo malalo iho nei, a ua hoike mai oia me ka hauoli nui. no ka pakele ana aku o kekahi o kona lahui mai na umii aku a na makai. Wahi ana, o ka i pakele aku Ta he pepehikanaka oia a no kekahi manawa ua pee hele oia mai ka makai aku, a mahope ua hookauia aku,ola e kona mau makamaka a i ole e kona mau hoahui pepehikanaka paha maluna o ka mokuahi e holo ana i ka Hikina. He hana hiki ole ke hopu iaia i kela manawa no ka mea, ua hookomoia ua Pake la lloleo o ka pahu e kona mau hoaloha a wiliia ka pahu a pukapuka i hiki ai e komo ka ea iloko, a hookauia aku iluna o ka moku ma ke ano he ukana. Ina he moolelo olaio kela, he mea paakiki ana ke ola o kela Pake. Ina e ikeia ae ana aole ia he ukana e hopu ia ana ola ma ke ano he mahuka, ina aole e hoohuoiia ana keia pahu he mea maopopo e make ana ia i ka loaa ea lawa ole nona e hanu ai, oiai e pailaia iho ana na ukana e ae maluna iho. Eia nae, malia paha, ua kukakuka no kona mau hoaloha me na Pake oluna o ka moku e huna iaia me ka hanai pu aku. Mamuli o ka ha'i- ana ae o keia wahl Pake kalewa kapiki i keia moolelo i kupono e hoolahaia ua pālua aku ka nui o kana mea i kuai al mamua o ko ka wa i hala.