Ka Nupepa Kuokoa, Volume XLII, Number 34, 23 August 1907 — HE KEPANI WAHINE KE PIO HOPE LOA. [ARTICLE]

HE KEPANI WAHINE KE PIO HOPE LOA.

Ma ka Poakahi nei, ua loaa hou no he ulia poino i kekahi /\ahine kauwa Kepani, na Mrs. High mamuli o ka lele kua ana mai ke kaa aku oiai e nawe ana no ke kaa. I ka wa o ke kaa uwila o ka Punahou e hoohuli ae ana i ka pi'o o ke kihi o na alanui papu ame Beritania o ka wa no ia a kela wahine i lele aku ai a haule palaha aku la me ka ikaika i ke alanui a pau ka ike. O kahi nae i laki ai ma kahi kokoke malaila ke kauka Moore, a ua lawe kokeia ka mea poino iloko o kana hoo.ponopono ana. Ua pohala koke no ua wahine Kepani la mamua o ka hiki ana aku i ke keena kauka, a ua hoikeia ae aohe i pilikia. O ka poe i ike aku i kela haule ana ua hopohopo loa lakou o pii ia kona mau wawae e ke kaa, a o ka pakeie ana he alo wale iho no. ■*+«• HE WAHI AHI UUKU MA KALIHI. He wahi ahi uuku ka I hoohikilele ae ma ka auwina la Poakahi nei mahope iho o ka hora eha ma kahi kokoke i ka hale hoki o ke aupuni ma Kalihi a ua pio koke no nae. • Ua pane aku ke keena kinaiahi i ke kahea, aka aole nae i makemakeia. no ka mea, ua kinai mua ia no e na lima hana o ke aupuni maiaila. Maloko o ka hale amara kahi i hoopuiwa ae ai ke ahi.