Ka Nupepa Kuokoa, Volume XLII, Number 34, 23 August 1907 — Ka Naita Heneli KA OLALI O NA KAKAI MAUNA O NAWARA [ARTICLE]

Ka Naita Heneli KA OLALI O NA KAKAI MAUNA O NAWARA

MOKUNA XI. KA MAAU HELE HOU ANA O GILOMA MA KE KAKELA. Ma keia la hookahi no i laweia mai ai o ka Po-wa Morilo no ka halealii, ma ia la no ka Naita Nakona i huli hoi aku ai no ke Kakela Esetela, aole no kona makemake e hoike aku i ke Duke no ka paa ana o ka Po-wa Morilo, aka no ke ake koke ana e hoohui ia laua me ka Lede Isabela ma ka mare me ka hoohakalia ole. E nokē ana no ke Duke Pilipo i ka niele pono ia Pekelo i ka mea nana i lawe pio mai i ka Po-wa Monlo, hoea ana no ka Naita Nakona, ak: nae aohe he pulale koke aku o ke Duke i ka h6le ana aku e hui pu me ia, ua noke hou aku no oia i ka ninau ana ia Pekelo, i na mea e pali ana i keia lawe pioia ana mai o ka Po-wa. "Aole he mea e ae nana i hana mai nei i kela hana, o ka Naita Heneli wale no," wahi a Pekelo i kamailio aku ai i ke Duke. Mahie koke ae la ka nanaina haka-nu o ke Duke i ka wa ana 1 lohe aku ai o Heneli ka mea nana i lawe pio mai i ka Po-wa, a oia kana i pane ae ai: "E hoomaikaiia ke Akua, ina he mea oiaio loa keia a u e lohe nei» no ka haawi ana mai i hoopakele no keia aina." Huli hoi mai la ke Duke no ke Kakela me ka namunamu liilii ana: "He keiki koa maoli no oia, a ina paha he koko kiekie kekahi iloko ona, he keu a ko'u hauoli loa nona," a he mea oiaio ua hauoli io no ua Duke Pilipo la no Heneli 1 keia lohe ana orfa no keia meahou. Mamua ae o kona hoea ana aku iloko o kona keena hooluana, ua halawai mai la oia me ka Naita Nakona, i hele mai no e huli i ke Duke a o ko laua hoi aku la no ia no ke keena heluhelu buke. "Heaha mai nei ka meahou o ke aloalii ?" i ninau mai ai ke Duke ia Nakona, mahope iho o ko laua hookuene pono ana maluna o ko laua mau noho. "Aole no he mea hou ano nui koe wale iho no ka paapio ana mai o ka Po-wa Morilo." "Nawai i hopu iaia a paa, a lawe mai imua o ka Moi?" wahi a ka ninau a ke Duke. "Alia e noonoo ae au," i pane aku ai o Nakona me ka hoolalau wale ana ae no, a pane hou aku la. "Na kekahi puulu naita i hoounaia aku e ka Moi." "Nawai e alakai ana ia lakou?" "Manao au- na ka Naita Heneli." "Pehea no hoi oe i hoike ole mai nei ia'u na ka Naita Heneli i hopupio mai nei i keia Po-wa?" a ike koke aku la no nae ke Duke i ke kumu hoolalau o ka Naita Nakona, a ina no paha i ninau oleia aku iaia, ina no aole e hoopu-a waleia aku keia meahou. Ina paha i maopopo mua i ke Duke Pilipo ka makemake ame ka iini o ka Naita Nakona no ke kumu o kona hoike mua ole ana aku no na hana a Heneli i hele aku ai e hooko, ina ua kipaku kokeia aku oia mai ke kakela aku, aka manao iho la nae ke Duke he mea makehewa wale no ka hoala ana mai i kekahi mau mea e hoopiolokeia di na manao. Mahope iho o ko laua noho hamau ana no kekahi mau minute, ua pane mai la ka Naita Nakona: "Ua makemake au e hoea mai kaua i ka hoomaopopo ana no keia mea mawaena o ka Lede Isabela

ame a'u." ' " "He keu maoli nō kela o ke kanaka opio koa a wiwoole o ka hopu ana i keia po-wa," i hoomau aku ai no ke Duke Pilipo 1 kana kamailio ana. "Aole o ia mea ka'u i kamailio aku nei ia oe e kuu Haku, aka ua makemake au e noonoo kokeia ko maua manawa e hoohuiia ai me ka Lede Isabela," wahi hou a ka Naitta Nakona me ka nauki. "Aha, akahi no au a maopopo pono i kau mea i kamailio mai nei, nolaila e hoomau aku i kau kamailio ana." "O ka'u hoi i makemake ai e kamailio aku ia oe, o ia no ka maopopo ana ae o ko maua manawa e mare ai," i pane hou aku ai o Nakona. "Aha pela io ka hoi, ke kuhi nei au ua maopopo la īa mea īa oe, oia hoi, e hooili mai ana ka Moi i kona waiwai maluna ou, a ma ko'u aoao hoi, e haawi aku au i ka'u kaikamahine i wahine nau." "Ua maopopo no ia'u ia mea au e kamailio mai la e kuu Haku, aka no ko maua manawa e hoohuiia ai ma ka mare, aole he mea 1 kamailio'iki ia e pili ana ia mea," i pane hou aku ai ka Naita Nakona. "Ua maopopo loa i ka Moi ia mea au e koikoi mai nei, ua haawiia ka mana o keia mare o olua nana e koho e like me kona makemake." . . , "Ke haawi aku nei au i ka'u mau hoomaikai ana īa oe e kuu Haku no keia pane au, a oia no hoi ka maua me ka Moi i kukakuka a | no ka hooko kokeia o keia mare o maua me ka hoohakalia ole," waM hou a Nakona me ka hulili o kona maka me ka piha olioli loa no kona |

lilo aku i kane na ka Lede Isabela. . "Ina pela e hele aku ana au e hui pu me ka Moi," 1 pane aku ai ke Duke Pilipo. "Ina no i keia manawp a i kekahi manawa loihi, aku paha aole no o'u- nana nui no ia mea, he hookahi wale no a'u mea nui e makemake nei e ik?le aku, oia no ka hookoia o kela aelike a maua me ka Moi i hana ai." "Ina hoi ha pela 0 kaua pu no ke hele aku imua o ka Moi 1 keia la," i wikiwiki aku ai ua Nakona nei i ke kamailio ana i ke Duke. "Aole loa he wahi waiwai iki o kou hele pu ana me a'u, no ka mea he komo hokai wale ana mai no ia ma ka maua mau mea e hooholo ai, a o kekahi no hoi, ua makemake no au e noho oe e malama i ke kakela nei a hiki i kuu hoi ana mai." A no keia kauohaia ana mai o ka Naita Nakona e noho e malama i ke kakela, ua olu iho la kona manao, no ka mea e noho hookahi iho ana oia, a e loaa ana hoi he manawa maikai loa nana e hoopilipili 'aku ai ma ka aoao o ka Lede Isabela. Mahope koke iho o keia hui kuka ana o ke Duke me Nakona no kona hele ana aku e hui pu me ka Moi, ua hoomakaukau iho la oia 110 kana huakai, a ma ke awakea o ua la la i haalele iho ai ke Duke i ke kakela no ke kulanakauhale o Papaluna. I ka hala ana aku o ke Duke Pilipo, ua hele holoholo aku la ka Lede Isabela noloko o ka malapua, mahope aku 0 ke kua o ke kakela, e hele ana hoi me na kainawawae o ka mea i hoopihaia me ke kau-

• TT V • U Ua lohe oia ma ia la no ka hana aiwaiwa a ka Naita Heneli 1 hana

ai, ma o ka hopupio ana i ka Po-wa Morilo, a ua hoala houia mai hoi kona mau hoomanao ana no Heneli, kela inoa nona ka eha koni e loku la iloko o kona puuwai. Na ia mau hoomanao ana no ka Naita Heneli i hookahe aku i kona mau waimaka o ke aloha kuio, e hoonana hele ana iloko o ke ala kupaoa o na pua e moani mai ana iniua ona. I ka hala ana o kekahi manawa o ko ia nei holoholo ana, ua holoi ae Ia keia i kona mau waimaka, me ka noho ana iho, e ako i kekahi o kana mau pua punahele a kona mau lima ponoi i kanu ai, ku ana no ka Naita Nako na mahope pono aku o kona kua a pane aku la me ka maalea: "Ua noke ae nei au i ka huli ia oe, e kuu Lede Isabela aole nae ou loaa iki ia'u, a malia no ka ka loaa ole eia mai nei oe i ka holoholo iloko o ka malapua nei. "Ua hala aku nei kou makuakane no ke kulanakauhale me ka haalele ana mai ia'u e noho hookahi. Ua noho mai nei lioi au a mehameha. imi mai la au ia oe i kokoolua no'u e nanea ai la, a e ike aku hoi i kekahi wahi aloha au e haawi mai ana no'u.''

"Aha mehameha io ka hoi oe, mai manao mai oe ua hiki ia oe ke loaa ka hauoli ma ka hookokoke ana mai me a'u, aole loa no ka mea he like ole no ka hoonui me ka hoolawe, a o ka puunaue hoi me ka houluulu." "Aole o'u manaoio i kau mau olelo e kuu Lede maikai, he keu no o kou hoauhee aku i kena mau maka mako-na a hui pu mai kaua ma ka ha'ina'i olelo ana iloko o keia malapua, a e lilo hoi keia rnau pua e popohe mai nei i mau hoike no ko kaua mau aloha. E kala mai nae oe no keia mau olelo a'u aka nae o ke kohu iho la no paha ia o ke kamailio ana aku ia oe." Ke kamailio aku nei ka Naita Nakona ma ke ano me he mea la ua kulike kona ano me kana mau olelo, aka nae ke haka pono loa mai la ka nana ana a ka Lede Isabela maluna ona, a mamuli o kona hoomaopopo maoli ana mai i ke ano o keia kanaka, ua pii msd la ka maeele maka'u iloko ona, aka nae ua hiki ole iaia ke pane mai i kekahi mea e ku-e rriai no keia kanaka, oiai o kana kane aku ana no ia e mare aku ai, e like me ka makemake o kona makuakane. Ua manao no hoi oia e kipaku mai i keia kanaka, mai kona alo aku, ak'a nae he hooi wale ana aku no ia i ka a ana o ke ahi i ho-a muaia, a uumi wale iho la no oia i kona mau manao hoowahawaha, a ae aku la i keia kanaka e noho pu mai me ia. "Ke manao nei au ina kaua e mare aku ana e hoopauia ana kou eeke ana mai ia'u e Lede Isabela," i pane aku ai ka Naita Nakona. "E kau like aku ana kaua ma na anuu like o ko kaua mau aloha, me he mea la e laweia ana e na eheu o na manu, aole anei pela e kuu Isabela?" Ia manawa koke i hulili mai ai na maka o ka Lede Isabela me ka inaina, aka ua akakuu koke iho la no nae kona mau manao uluku, a pane mai la oia: "Aole loa he wahi aloha iki o'u ia oe e kena kanaka. Ua ike no oe, aole keia mare mawaena o kaua i hookoia no ke aloha mai, aka no ka hooko wale ana aku no i ka makemake o kuu makuakane, a ina e aloha aku ana au ia oe ma keia hope aku, ua aloha aku au mamuli o kau mau hana aole hoi mamuli o kau mau huaolelo." No keia pane a ka Lede Isabela i haawi aku ai ia Nakona, ua kulou iho la kona poo ilalo, a i kona aea ana ae, aole ka Lede Isabela ma kana wahi o ka ike mua ana aku iaia, i na minute mamua iho aka, ua mamao aku la ke akule i ka hohonu. Ia hoi ana aku a ua Naita Nakona nei ma ke kakela, ua halawai mai la oia me kekahi elele i hoounaia mai ke alo alii mai, a haawi mai la i kekahi leka iaia. Mahope iho o kona heluhelu ana iua leka la, ua ike ia aku la ke ano hoihoi ma kona helehelena. A no ka huli hoi ole ana mai o ke Duke ma ia ahiahi, ua hoi koke aku la o Nakona iloko o kona keena no ka hooluolu ana, aole nae hoi i hiamoe koke aku ua Nakona nei, aka ua noke aku la no oia i ke kakau i mau leka hou, a aia no kona hoi ana e hiamoe a i ke aumoe loa ania, a iaia e moe ana, ua ike houia aku la ke komo ana mai o kekahi kanaka ma kekahi puka hu-na mai ma ka paia o ka rumi moe o Nakona nei. O keia no ke kanaka i hoea mua mai ai maloko o ke keena moe o ka Naita Nakona, a e like no hoi me kana hana i hana ai ma kela komo mua ana mai ana, pela no keia hana ana ana. Hoomalamalama aku la oia i kana kukui maluna o ka helehelena o ka Naita Nakona, a pau liele aku la oia a huli i na pakeke o ka lole o ua Nakona nei, a i ka loaa ana o kona makemake, ua nalowale hou aku lā oia ma kahi no ana i komo mai ai. Iloko o ka hapalua hora mahope iho, ua oili hou mai la no ua la, a hoihoi aku la no i na palapala ana o ka lawe ana mai ma na minute mamua iho, a o kpna nalo hou aku la no ia ma kalii i maopopo ole o kona wahi o ka hele ana mai. MOKUNA XII. KA HUI PU ANA ME KA ENEMI. E waiho iki aku kakou e ka poe heluhelu o keia moolelo i ka Naita Nakona e iroe ana i ka hiamoe kulipolipo a e huli ae kakou a nana i ka Naita Heneli. Mahope iho o kona hoea ana aku imua o ka home o kona hoa naita, aole ana wahi e ae i hele aku ai no ka hoohala ana i kona mau manawa molowa, aka me kona hoaloha wale no oia e noho ai. He 'nui no nae na manawa i komo mai ai o ka manao iloko ona

no ka hele hou ana aku e ike i ke kakela Esetela, a no kona makemake ole e halawai pu me ka Lede Isabela, pela oia i hoopau wale ai no ia manao ana ona e hele i ke kakela. He hookahi manao i ala mai iloko ona, oia no kona hui pu ana aku me kekahi puali e haalele iho ana no ka hele ana aku i ka aina hemolele, a o kona hui pu ana aku me lakoū oia wale no ka mea nana e hoopoina i na hoomanao ana no kana Isabela. E noonoo ana no oia no keia manao, iaia e nanea ana ma kekahi kakahiaka maloko o ka hale o kona hoaloha, ua hoea aku la ke kanaka kahunapule ana i halawai mua ai ma ke kakela. Iloko oia manawa i" ulu koke mai ai ka hoohuoi iloko ona ua ike no keia kanaka

i na mea e pili ana nona ame kona mau makua. Ua kaa mua mai la ke kamailio ana i ke kanaka kahunapule malihini i ka i ana mai: "Pehea oe e Heneli i keia kakahiaka?" "He ikaika maikai no ko"u kino," wahi a Heneli i pane aku ai. "He ikaika kupono anei e hiki ai ke hele pu me a'u i ka holoholo i keia la?" "Ina paha e hoike maopopo mai ana oe i ke ano o ka holoholo au e makemake nei, ame kahi 'e hele aku ai, alaila hiki loa ia"u ke ae aku a ke hoole aku paha i kou manao." "E lawe aku ana au ia oe i kahi hoopaa o na Biske, a aia no oe a hoea ilaila, hiki ia oe ke hoomaopopo i ke kumu nui o kuu koi ana aku ia oe e hele. Eae ana anei oe e hele pu me a'u?" "Ke makemake loa nei au e hele pu aku me oe e kuu hoaloha, a he oi loa ae nae ko'u hauoli i na no e maopopo mua ae ia"u ke ano nui o keia huakai a kaua e hele aku nei ilaila." Noho iho la ke kanaka kahunapule ilalo, me ke kulou ana no hoi o kona poo, a i kekahi manawa e nana pono mai ana imua o Heneli, a li'uli'u wale ia noho mumule ana a ua kahunapule nei, ua pane mai la oia ia Heneli i ka i ana mai: "Ua makemake loa au e hele pu oe me a'u i keia la, no ka mea aia kekahi mea i iini loa e halawai pu me oe, a ke noi aku nei au iaj oe e hele pu oe me a'u. O ka'u wale no e hoike pokole aku nei ia oe, mai noke mai oe i ka niele ia'u no keia huakai a kaua, aka he mea nae keia i pili no kekahi ninau au i hoomaoe mai ai ia'u oiai kaua i Ihalawai mua ai ma ke k&kela." "E pili ana anei i kuu hanau ana—ko'u mau makua?" i hooho

ae ai ua Heneli la me ka piha pihoihoi, me kona hopu pu ana akii 1 na lima o ke kanaka malihini. "Ae, ua pili loa i na mea au i ninau mai la, a ina e hele pu ana kaua ea, mai hoao oe e niele hou mai." Aole e hiki hou ia Heneli ke hoole aku i ka hahai ana aku mahope o keia kanaka malihini, a lana loa mai la ka manao iloko ona, e hiki aku ar(a oia i kahi e maopopo ai o kona ohana mamuli o kona hooko ana aku i ke koi a keia kanaka. Oiai nae ka Naita Heneli i hele aku ai no ka hoomakaukau ana iaia iho no keia huakai, ua pane mai la ke kahunapule malihini: "E kii aku oe i kou lio, oiai o ke alahele a kaua e hele aku nei he alahele loihi ia, e pono ole ai ka hele ana ma na wawae." "Alaila ma na lio anei kaua e hele aku ai i keia wahi au e makemake nei ia kaua e hele aku?" "Aole, o oe no ka'u i makemake ai e kau maluna o kou lio, a ma na wawae aku no hoi au, no ka mea ua maa no au i ka hele wawae." "Ina hoi ha i hiki ia oe ke hele wawae, alaila e hele pu aku no kaua a elua ma ia ano hookahi," a o kona lalau aku la no ia i kan*

pahikaua a hookomo iho 1a ma kona kaei. Kakau iho la oia hc im-, huaolelo maloko o kekahi leka e hoike aku ana i kona hoalolu a.'. oia e hoi mai ana ma ia la, a o ko laua haele aku la no ia nia ko l;m., alahele. Aia ke alakai ana o laua i ke kanaka kahunapule, a o ke alalu-U ana i lawe ae ai, oia no ke alanui e moe ana i ke kukulu koin.)han;i Ke hele la laua me ka puai wahi leo ole mai kekahi mai o laua a i k.t hala hope ana aku o ke kulanakauhale o Papaluna mahope o laua nei, ua pane aku la ke kahunapule ia Heneli: "Ke manao nei au ke hakiloia nei ko kaua hele ana mai m wahi ,a ua kahunapule la me ka hookuu ino ana iho i kana kookoo ilalo. "Ke hakiloia nei anei kaua!" i hooho ae ai o Heneli. "Owai keia mea e hakilo mai nei ia kaua, a heaha hoi ke kumu o ia hakilo ana. He mau lawehala anei kaua, a i ole he mau enemi anei kekahi e hoa halua mai nei ia kaua?" "Malia paha e lilo ana i mea ha'oha'o i na kahaka ka ike ana mai i kou hele pu ana me a'u i kuaaina nei, a pela wale no i ulu mai ai ha manao iloko o'u, eia kaua ke hakiloia mai nei e ia poe." Ia pau ana no o ke kamailio ana a ke kanaka kahunapule. ua lohe aku la laua i ka pohapoha mai o kapuai o kekahi mau lio, a ia laua i jfilawa aku ai ma ke alanui a laua o ka hele ana mai, ua ike aku la laua he ekolu mau kanaka e holo mai ana me ka puahi nui, ma ko laua nei alahele hookahi e hele ana. I ka hoomaopopo aku i ke ano o ko lakou holo ana, me he niea la he hana ano nui loa ka lakou e hele ana e hooko, a oia ka Heneli i pane aku ai i kona kokoolua: "Malia paha he mau elele keia i hoounaia mai nei e kii mai ia'u," a ku ae la o Heneli ma ka aoao o ke alanui no ka hookuu ana aku ia lakou e holo me ka loaa ole o ka mea nana e alai mai omua o ki alanui. "Alaila, ina pela, maihea mai keia mau elele i hoounaia mai ai" wahi a kona kokoolua. "Aole a'u mea e ae e manao ai nana i hoouna mai i keia mau elele, o ka Moi wale no, ina nae hoi mailaila io mai keia mau kanaka. "Auhea oe e kuu hoaloha, aole i kulike ko"u manao me kou, n»> ka mea, ina mai ka Moi mai nei keia mau elele, aole e hoouna ia mai i ekolu mau kanaka e hele mai ai e kii ia oe i ka manawa hookahi, ua lawa no ia hana i ke kanaka hookahi." Ke kokoke loa mai la ua mau kanaka nei ma ko laua nei mau wahi e ku ana, a aole he pane a Heneli no keia mau olelo hope a kona kokoolua, a neenee loa aku la laua a kokoke ma ke alanui, aole nae he ku mai o ua mau kanaka hei, ke kuu pau la no lakou i ka holo nui o ko lakou mau lio. He hookahi o keia mau kanaka a Heneli i hoomaopopo ai, iw ike mua no oia i kona helehelena i kekahi wahi, a o kekahi mau kanaka iho, ua malihini loa oia iko laua mau helehelena. He mau li<> ikaika ko lakou apau e kau ana, a ua lako no hoi me na mea kaua. "Malia palia e hele ana lakou no Kudeka, no ka mea aia kekalii hoouka kaua i hoolalaia no ka hoouka ana malaila." "Malia paha nolaila io ka lakou huakai," i pane hookanaaho waU* aku ai no ke kanaka kahunapule, me ka luliluli ana iho o kona ]>00. Aia kekahi mea ano nui ma ka pane a ke kahunapule a Heneli nae i ike ole mai ai ma kela manawa a ua kanaka la e luliluli ana i kona poo, a o ko laua hoomau aku Ia no nae ia i ka laua hele ana. Aole no i li'uli'u ko laua hele ana aku, ua hiki aku la laua ma kalw inoino loa o ke alanui, e ku ana hoi na pali kuhoho a e kahe ana ka wai o ke kahawai, a ulu mai la ka hoohuoi iloko o Heneli no ke am> o keia huakai ana e hele nei me keia kanaka malihini. Huli mai la oia a ninau aku la i kona kokoolua, e hoike moakaka mai i ke ano o keia hualeai a laua, aka o ka pane wale no i haawiia aku iaia, oia no ka luliluli ana o ke poo o ke kanaka kahunapule. No keia pane ole ia ana mai o ka ia nei ninau, ua hoopau loa oia i kona manao e hoouluhua hou aku i kona hoa, ke ole e loaa kekalii mea ano nui loa ana i makemake ai e ninau aku. Ua pflia okoa na hora eha ia laua i ka heleia, ua hoea aku ki laua ma kekahi wahi ponaha, niawaena konu o na pali kuhoho, a e waiho mai ana hoi imua pono o ko laua alo, ka ululaau i hele a pouli pu. He wahi alanui ololi ke moe pono ana mawaena o keia mau pali. oiai hoi ke alanui palahalaha maoli, ma kekahi aoao ae o ka pali * hiki ai ke hele a kaa ma kekahi aoao, aka nae ma kahi alanui ololi ik>

ko laua nei hele ana aku. Ua kokoke loa no laua nei e kaa aku ma kekahi aoao o keia mau piali, ua kahea aku la o Heneli i kona hoa e ku mai laua, me he mea la ma kona manao, ua ike aku oia i kekahi kanaka e ku mai ana ma kekahi aoao mai maluna o ka lio. Ua ku iki iho la laua no kekahi mau minute me ka ha-lo ana, ina

io paha ua pololei ka manao ana o Heneli no kona ike ana aku i kekahi kanaka, a no ko laua ike ole aku, ua hoomau aku la no laua i ka hele ana imua. Ua huli mai la ke kahunapule a pane mai la ia Heneli: "Aole no i mamao loa kahi a kaua i koe e hele aku ai o ka hiki no ia i kalu a'u e a'.akai aku nei ia oe. E komo aku ana kaua iloko oka ululaau a ilaila oe e ike pono ai i ke ano o ka mea a'u i makemake ai ia oe e ike." Ke hoolohe wale la no o Heneli i na olelo a kona hoa me ka ninau ole aku iaia, oiai nae ke lelele wale la no kona oili me ka piha loa i ka olioli. O ko laua nei hele aku la ia a komo iloko o ka ululaau. a hoohuli hou ae la ke kahunapule i ko laua alahele, ma kekahi alanui okoa. a he mau kaina wawae uuku wale no ia o ko laua hele ana aku. ua lohe pono loa aku la o Heneli i ka uhuuhu mai o kekahi lio, a ua loh<* pu aku la no hoi laua a elua, me ka laua huli ana aku a nana kekalu i kekahi me ke paha'oha'o. Ua pane mai la nae ke kahunapule ia Heneli i ka i ana mai: <(> ka ikeia ana o kekahi lio maloko o ka ululaau nei, he mea malihini I"» ia, a ua loaa mua mai nei ia'u ka hoohuoi no keia mau lio i hala mai nei mamua o kaua. Nolaila auhea oe e kuu hoa e hawele i kau pahikaua a e hoomakaukau no ke ku ana aku e paio me ka enemi, ina he ino ka mea e hanaia mai ana maluna o kaua." Ua hoholo koke ae la ka ula ma na papalina o ka kakou koa opio, a ulu koke mai la ka hoohuoi iloko ona, eia paha oia ke apuh ia nei e keia kanaka, aka nae ua hooko aku la no oia i ke kauolia a kona hoa, a o ke kakali wale aku no o ka hiki mai i kahi e hoopauia

ai o kona pohihihi. Ua hoomau hou aku no na kamahele i ka hele ana, a i*a liala paha he iwakalua mau anana ia laua i ka heleia mai keia wahi a lana i hoomaka aku ai e hele, ua hooho ac la ke kahunapule: "Ma ka inoa o ke Ke'a Hemolele o lelusalema, eia no tia hm t kanaka nei ekolu a kaua i ike mua mai nei. Ina he mau hana ' poino mai ka lakou maluna o kaua, alaila e pale no ko kaua mau < ' 3 iho e kuu keiki." "Pehea auanei e hiki ai ia kaua elua wale no ke ku aku imua kela poe ekolu, a hoi iho no hoi, aole au wahi mea kaua e hiki a* '' oe ke kokua mai ia'u ma ko kaua kulana pale," wahi a Heneli i I-a' aku ai i kona kokoolua. "Mai hopohopo oe no"u e kuu keiki, mai manao oe no kuti e'makule ana, a no ko'u nele ana i ka pahikaua ole, kou mea e hopoli' l,l ai. I ha'i aku au ia oe, ua hele pu ia e a'u me keia kookoo nial" K o keia ululaau a ua halawai hoi me na popilikia o keia ano, aka ' i;i ' ua hooliloia ia mau poino i mea ole e keia kookoo. Nolaila e makar nl e Heneli, no ka mea ke ike aku la au, aia he manao hoopoino iloko kela poe maluna ō kaua." ] 1 £ Aole i ptu. ' r ® *