Ka Nupepa Kuokoa, Volume XLII, Number 33, 16 August 1907 — HE PANE MA KA AOAO O KA HUI HOLOLIO KAONOHIOKALA. [ARTICLE]

HE PANE MA KA AOAO O KA HUI HOLOLIO KAONOHIOKALA.

Ke pane nei au no ka hoolaha a Rose Kane I ka la 10 o Augate maloko o lai Nupepa Ke Aloha Aina.

E ae mai ia'u. e ka Lunahooponopono o ka wahaolelo o ka lehulehu a puni ke Teritori. Ke hoike aku nei au me ka oiaio imua o ka lehulehu aole paha o Rose Kane i nana pono i na kanawai ame na rula o keia hui, ina i nana pe no oia a ike, alaila aole e pane a hoike mai imua o ka lehulehu. elike me keia ana e pane mai nei i keia hui. *

He oiaio, ua hiki kino aku imua ona me elua mau iaia i kae Poaha ka la 1 o Augate, elike me kana ieta i pane mai ai mamua iho o ka manawa halawai kumau.

Ua hoikeia a'e keia leta imua o ka hui a ua hoole kekahi mau lala, a ua noi mai kekahi lala e hoopanee, a mahope iho o ia manawa, ua hiki aku makou imua ona, a hoike aku la iaia aole e hiki -i ka hui ke kokua iaia.

Ma ke kumukanawai, aole e aeia e kokua i kekahi lala ke aie oia iloko o ka waihona o ka hui, a eia kana pane ia makou. He oiaio aoie no au i nana pono i ke kumukanawai ame na rūla o ka hui, aka na'e ke oieio nei oia ua nana i na kanawai ame na ruia.

Ke hoole aku nei au aole oia i nana pono, nolaila he manao imihaia keia, eia no na laia o keia hui ame a'u pu, aole makou i koi aku i na iala o ka hul e kokua mai, no ka mea ua hoike ke kumukanawai aole e kokua manawalea na lala i ka lala i ma'i ke noho aie oia, a peia makou e ku nei e like me ke kanawai.

Ina au e kokua ana ia oe e i<ose Kane, e ku-e ana na lala no ka hana kapakahl, o ke kaulike ka pololei o ka hele maluna o na kanawai ame na rula.

Ua ku-e kau hana ia'u a i ole i ka hui . Eid ka'u ia oe ke hoike nel kekahi pauku o na rula ma keia o ka lala e hoino ana i ka inoa ihiihi o keia hui e okiia aku no oia elike me kekahi lala o keia hui i okiio ai a kaawale ai oia mailoko aku o keia hui.

Ua ike no oe e Rose aole i like keia hui ine na hui e ae e ku nei, ua hiki no 1 kla ame keia lala ke kii i ka laleou dala a hoihoi aku ke makemake e unuhi i kona kuleana ame ka pomaikai o kana dala i hoohanaia e keia hul, a o kekahi no hoi, Ua aeia kela ame keia lala e aie iloko o keia hui ke pilikia oia, nolaila e ike mai na kini ame ka iehuiehu i ke ano o keia hui. O na hui Kaahumanu, ka hui Oiwi ame ka hui Kauikeaouli, aoie aeia na lala e aie iloko o ia mau hui. O ke ola hea la kau e oleio nei i ka ai ole i ke dala i ka wa e ola ana. 'iUa ai oe, ua kokuaia kou iplikia kuloko i ka wa pokole. Eia keia, ina e make ka lala o keia hui, a he aie kona i ka waihona, alaila e kokua ana na lala apau o keia hui no kona kino make ma ka lulu ana i 50 keneta pakahi, a ina he aie kona e laweia ae kekahi mau dala no ka aie, a lna he kekahl 1 koe e hoihoiia aku no ia mau dala ame kana mau dala iloko o ka hui ame ke ola 0 ke dala, nolaila ke llke ole la no la me na hui e ae e ku nei. Eia hou keia; i na e makemake e ike 1 ka oiaio, eia no ke kumukanawai, ke waiho nei a i ole ia e hoikeia aku no iloko o ka nupepa, ke pane hou mai oe ia'u nau na lilo o ka nupepa, nolaila. e akahele oe, ke kuhi nei au o ka Rose oe o Sarona ka mea 1 ulu pu me ka Lllia o na awawa eia ka aole. Me ka mahalo, Mrs. L. K. Puahi, Presidena. Mrs. Irene Silva, Hope Kakauolelo.