Ka Nupepa Kuokoa, Volume XLII, Number 33, 16 ʻAukake 1907 — KA PERESIDENA O KE KULA NUI HOU. [ARTICLE]

KA PERESIDENA O KE KULA NUI HOU.

O Franklin Sumner Earle aku ana ka peresidena o ke Kula Nui 0 ka Oihana Mahiai ame na hana Akamai ma Hawaii. Oia kekahi o na mana nui o ka oihana Mahiai o na Aina mahiai i noi ia aku nei e Henry E. Cooper, ka lunahoomalu o ka Papa Alakai o ke Kula Nui, ma ke telegarapa e ae mai oia i ka noho peresidena ana no ke Kula Nui aua ae ia mai ia noi. O kona uku makahiki i hoomaopopoia he $4,000. Ua hoounaia mai na hoomaikai kiekie nona i ka Papa Alakai, mamuli o ka ike maopopoia o kona makaukau ma ia oihana ma Kuba "a ma na wahi e ae. Ua lawa pu hoi iaia ka makaukau oke alakai ana i na kula kiekie o keia ano. He poo oia no ka oihana Mahiai Kuwaena o Kuba ma Santiago. 0 ke kahua i manaoia no ke kula a'o niahiai ame akeakamai, aia ma kekahi wahi o ke Awawa o Manoa. Aohe i kahaia ke kii o ka halekula i keia manawa. O ke kanaka nia ke poo o keia oihana | ua manaoia aku oia ua lawa i ka makaukau e haawi mai ai i ka Papa Alakai i na alakai naauao ma na mea i hemahema e pili ana i keia hana ko'iko'i. Ua hoakakaia ae e hoomaka ana na hana o ke kula ma keia makahiki ae ma na hapaha hoomaha. Ua hanauia oia ma Dwight, Mokuaina o Ilinoi, ma ka la 4 o Sepatemaba oka 1856. Ua hoonaauaoia oia ma na Kula o Cobden t iloko no o ia mokuaina. a ma ke Kula Wae o Ilinoi. Maloko oke kula nui i lawe ae ai oia a hoike hoi i kona makaukau ma ia oihana, eia nae, aole oia i puka pono. Mai ke Kula Nui mai o Alabama i ka A. D. 1902 i loaa ai iaia ka inoa hoohanohano M. S. Ma ka makahiki 1886, ua komo* pu oia e lawelawe me ke Kula Wae o Ilinoi ma ka huli ana i na mea pili i na pepeiao laau, o ka hopena o ia hana ua hoolahaia ae maloko o kekahi buke i kapaia "The Erysiphaceae o Ilinoi." 1 ka 1894-5, ua komo pu oia me ka Hale Hoao Mea Kanu o Misisipi, a ua lilo oia i kokua iloko o ke keena mahiai o Amenka Huipuia ika 1895-6. Ika 1896, ua haalele oia ia kulana a lilo oia i kanaka mahiai no na mea kanu like ole no ke kula nui o Alabama. Mai ka 1896 a hiki i ka 1901 ua lilo oia i Profesa a ua hoounaia 1 Jamaica, Kuba ame Poto Riko e noii pono ai oia ma na mea akeakamai i ka 1903. Mamuli o ka hooiaia e ke Keena oihana mahiai ua hookohuia oia i alakai no ka Oihana Mahiai Kuwaena no Kuba 1904, a ma ia kulana oia i paa ai a hiki i kona noi ia ana aku la e lilo i Peresidena no ke Kula Nui Mahiai ame Hana akamai o Hawaii nei.