Ka Nupepa Kuokoa, Volume XLII, Number 33, 16 August 1907 — HANA LIMA MAOLI KA PONO O KE KEIKI A KA MAKUIKI [ARTICLE]

HANA LIMA MAOLI KA PONO O KE KEIKI A KA MAKUIKI

DETROIT, Mieh., lulai 30. —Eia ke keiki a ka Makuiki o Queensterry ke noho hana mai nei ma ke ano he kanaka kuai noloko o ka halekuai mea gula ma Detroit, mahope iho o ka pau loa ana o kona waiwai i ke poho. Aole wale no hoi i pau loa kana mau elala i ka uhaaiia, aka ua nalowale pu aku kela inoa hanohano ona, a ke hakoko maoli nei oia no ka pono o kana wahine ame kana mau keiki, e hke me ke ano o ke kanaka Amerika oiaio. O Loretta Adds ka inoa o kana wahine i mare ai he kaikamahine hoi no Kaleponi. Mamua aku o kona mare ana i ka wahine, oia no ke keiki a Haku Douglass o Enelani, aka nae i keia manawa eia oia ke noho |iana mai nei 110 kekahi hui kuai mea gula. No kekahi manawa i noho hanai holoholona ai keia Haku opio ma ke awawa Kutenai ma British Columebia. A i kekahi manawa hoi, ua paa oia i ka hopuia ma Pokalana no ka mare lehulehu, oiai nae haole Pelekane okoa ka mea i holoma-lu me ka wahine a kekahi kanaka okoa aku, a oiai o keia wale no ke kanaka Pelekane hookahi malaila, ua kuhihewaia oia no kela haole i holo mahuka ai.