Ka Nupepa Kuokoa, Volume XLII, Number 32, 9 August 1907 — MA KA LA 15 O AUGATE E LAWE AE AI KE KIAAINA HOU FREAR I KA NOHO. [ARTICLE]

MA KA LA 15 O AUGATE E LAWE AE AI KE KIAAINA HOU FREAR I KA NOHO.

Ma ka la 15 o Augate nei e hiki mai ana, e waiho 'ae ai o Kiaaina Carter i ka noho kiaaina ia Frear, ke kiaaina hou o Hawaii i hookohuia mai nei. A oiai nae, aole i maopopo loa ka hooholoia o ia manao, nolaila e waiho pu ana paha ia me ka maopopo ole no kemanawa. Me he mea la o ka manawa e hoomaka ai ke Kiaaina hou e lawe ae i kona noho ma ka hora 10 awakea Poaha a ia wt e lawelaweia ai na hana no ka hoonoho ana ae iaia ma keia kulana hou ona, a he wa ana ia e halii iho ai ke eehia, me he mea la he Moi Kiekie mai ka po mai ke hoalii a e poniia ana. O ka olelo ana ae he Aha hulahula nui kekahi c malamiaa ana maloko o ka rumi Kalaunu no kona hanohano, he paakiki ka manao ana pela, no ka mea, aohe i maopopo loa ka manawa i keia wa. Ina e maopopo pono mai ana ka manawa alaila, hoike maopopo ia aku ia mea i ka lehulehu. Na ke Kiaaina Carter e haawi ana ka ha'iolelo 110 kona manawa hope loa, e hoike aku i kana mea i hana ai no ka Panalaau o Hawaii ame kana mau mea i makeinake ai e hanaia mai no Hawaii nei. O keia ka papa hoonohonoho hana i hoolalaia no ia la: A mamuli o keia manao e hoolalaia nei i ulu ae ai na hoomanao ana i ka wa o ke au Moi ke hiki mai i ka 4a e poniia ai ka Moi ma ka Nohoalii. Aka, ua hala loa ia me kana mau pono.