Ka Nupepa Kuokoa, Volume XLII, Number 32, 9 ʻAukake 1907 — KOLEKOLE KA NO'A A KE KOLOHE. [ARTICLE]

KOLEKOLE KA NO'A A KE KOLOHE.

Ma ka Poaha o ka pule i hala i loaa pono aku ai ka punana a ka poe piliwaiwai i ka Makaikiu Tavlor ame kona puali, he elima Kepani me na lima i hawahawa i ke kikokohu koko o ka piliwaiwai. Aia keia wahi malalo o ka haleaina California ma ke alanui Hokele, a o kalii e komo aku ai aia maloko>mai o ka halekuke o ka haleaina ,a ua hunaia ka puka me ka uhiia i ka papahele i hana akamai ia. Ua hoohuoiia no keia (lale no kekahi manawa loihi aia he hana o keia ano maleko olaila, a o ke alahele nae e hiki aku ai ilaila, he pohihihi. I ka wa i komo aku ai na makai, e noho ana kekahi Kepani ilun* 0 ka noho maluna pono o keia papahele, a mamuli o kona ae iokomaikai ana mai e ulaaia ka papahele i loaa ai ke alahele e hiki aku ai 1 keia wahi. Ika ulaaia ana oka papahele i ikeia ai he papahele hoopunipuni wale no ia; oia ka puka e komo aku ai i kela luahuna. Ua hana noeau loa ia olalo me na keena liilii ame na ala pohihihi e hiki ole ai no i ka poe kakaikahi ke hookolo i kela hana ha'iha'i kanawai. I ka nanaia ana o ka lakou poho lulu, ua ikeia ua paleia oloko i ka pepa i ole ai e nakeke a lohe ia mai e ko luna poe.