Ka Nupepa Kuokoa, Volume XLII, Number 32, 9 ʻAukake 1907 — E HOOLAKO IA O HAWAII NEI ME NA PAPU E PONO AI. [ARTICLE]

E HOOLAKO IA O HAWAII NEI ME NA PAPU E PONO AI.

-Ia Kenerala A. S. Hart\vell, ke Kokua Lunakanawai Kiekie ma Kapalakiko, ua nui kona launa ana me kona mau hoa ame na kamaka o ka oihana kaua aina ame moana. A iwaena oiā poe na Adimarala KemfF ame Adimarala Laiana i kamaaina loa ia Hawaii nei; a mai a laua i loaa mai ai kekahi mea e pili ana no Hawaii nei, a oia keia malalo iho nei: "O na keonimana apau ma ka pakaua moana ke olelo nei lakou apau, he mea pono loa e hoolakoia o Hawaii me na papu ikaika a e hana kokeia me ka hoohakalia ole, e hoomaka mua ana ma ke Awalau o Puuloa." Eia i Hawaii nei i keia la ke Kakauolelo Straus ame ka Lunamakaainana Longworth; a ma ka Poalima i hala, i holo makaikai aku ai laua, ke Kiaaina Carter, ka Adimarala Very ame aneane kanaono poe e ae mawaho no ke Awalau o Puuloa no ka makaikai ana, a me he mea la oia paha kekahi o ka laua mau apana hana i hoounaia mai nei e hele e nana pono a e hoike aku i ke keena o ka Oihana kaua Moana ma Wasinetona. O keia no kekahi o na apana hana a na malihini o ka Ahaolelo Nui i hiki mua mai ai i kekahi mau la i hala aenei. Aole no e loihi loa mai keia la aku a e ike aku ana no kakou i keia mea hou ma ko kakou mau kapakai. He mea maopopo loa ina e hanaia mai ana keia mau papu e kauluwela mai ana ko kakou awa me na mokukaua Amerika a mau .mokukaua e ae no ka holo mai e malama i ko lakou mau pono m!a Hawaii nei.