Ka Nupepa Kuokoa, Volume XLII, Number 32, 9 ʻAukake 1907 — HOOKU'IIA ME KE KAA OTOMOBILE. [ARTICLE]

HOOKU'IIA ME KE KAA OTOMOBILE.

He ulia poino ka i halawai me S. S. Litchfield ma ka po o ka Poakolu i hala aneane i ka hora eiwa, mamuli o ka hooku'iia ana me ke kaa Otomobile o Dilinahama. Ua kukonukonu loa ka poino i loaa a ua hiki pono ole i na kauka ie hoike i ko lakou manao no ka pono hou o ka mea i poino ia wa, *ia nae, ua haawi ae na kauka i ko lakou makaala ame na makaukau apau e hoopakele ae i ka mea i poino. Ma ka hoakaka a ka wiliki o ke kaa uwila o ke Alanui Alakea, ka mea i ikemaka i kela hooku'i ana, e holo ana kela otomobile me ke kuupau no ka mea e heihei ana me elua kaa e ae. Ua hoole o Mr. Dilinahama i ka oiaio o keia, wahi ana, akahi no oia a kuupau mai i ka holo o kona kaa mahope iho o kona haalele ana aku i ke Alanui Emma. O na kaa elua e ae i hoikeia ae nei oia no ke kaa Otomobile o G. Carter ame ko J. R. Galt. O Kakauolelo Straus ka ohua oko G. ,R. Carter kaa, a he ohua wahine hoi i maopopo ole ke kau ana i ko Dilinahama kaa. O ka inoa o na ohua eae aole i loaa mai mafke Kiaaina Kaaka ame Dilinahama mai. Hunakeleia iho la, heaha ke kumu? Ha'oha'o no. Ō keia Litchfield i oleloia,'he kanaka hana oia no ka hui o Von Hamm Young, a e hoi mai ana oia mai Waikiki mai maluna o ke kaa o ke Alanui Punahou. Aia kona hale ma kahi kokoke i ka Hokele Hawaii, a i kona hiki ana malaila, lele iho la oia mai ke kaauwila iho no ka hoi ana aku i kona hale, i kona wa i hooku'iia mai ai e ke kaa Otomobile. Ua k|aualakoia aku oia no aneane kanaha kapuai ma mua o ka paa ana o ka holo, o ke kaa. Ua ike maopopo loa ia ka ikaika o kela hooku'i ana mamuli o ka poino i loaa aku i ke kaa, oia hoi, o ke apo owaho o ka ipukukui ua opaliaia, a o ka pale lepo o ka huila ua lapuu, a o ka ipukukui aila ua owiliia a aneane e lele. A o na poino apau i loaa i ke kaa, aia wale 110 ma ka aoao hema o ka Otomobile. Ua lawe koke ia ka mea i loohia i ka pilikia i ka rumi kauka o Hodgins, a malaila oia i lawelawe ia ai e na kauka Hodg"ins, Habati ame Kofa, oiai mahope koke iho no o kela ulia, ua hiki mai malaila na kauka hope ae nei. Ua manaoia i kinohi, ua make loa kela haole, aka, mahope iho o ka hapaiia ana iloko o ka rumi kauka, ua ike ia e hanu ana no. O ka ike a na kauka ua poino kona 1010, a o ka hapanui o kona eha mawaho o ke kino, o ka ili o ke poo ua akaaia ae, a o kona lima tia hākihaki me ka weluwelu. He ku ika manaonao. Ua hoike ae o Kauka Habati he mau olelo hoolana manao, aole oia e make ana; a o kona mau palapu apau e hoolaia ana no, aole nae no ka manawa pokole, no ka mea, ua kukonukonu loa ka poino i loaa. O keia malalo iho nei ka Pilinahama mau olelo e pili ana i kela poino: "E holo mai ana makou mai ke alanui Beretania mai, oia hoi ko'u kaa, ke kaa o ke Kiaaina ame ko J. R. Galt; a i ka hiki ana ma ke alanui Emma, ua hookuu like makou i ka 'holo o na kaa i kaawale koke ai makou mai ke alanui Emma mai. He elua kaa i holo mauka o ke kaauwila e ku ana i ke ala pale, a o ko'u kaa ua holo ma ka aoao makai oke kaauwila. He kaawale 'wale no ke alahele, a ia wa au i hookuu ai i ka holo i kaawale aku ai, a o ka wa no ia a Litchfield i iho ilio ai mai ke kaa uwila iho a ua £aa pono loa hoi mamua pono o ko'u kaa. Ua hoohuli au i ko'u kaa a hiki i ka aneane ana e pili i ka palē pohaku, aka, he ololi loa fce alanui e hiki ole ai ke kaawale. Ua hoopaa koke au i ke kaa ia manawa, eia nae, ua poino aku la. Ua noho ki-ai o Dilinahama me na kauka ame Mrs. Litchfield mahope o keia ulia poino i ka mea i hoopilikiaia. Aole oia i huna iaia iho mai ka āuamo pu ana i na ko'iko'i o keia hana manaonao, a eia nae, ua naka haalulu oia i ka ike maopopo ana e make ana o Litchfield oiai ia mau minute aohe akaka o ka manaolana no ka mea poino, aia.oia ma ka puka o ka make, a o ka manao nui wale no iloko, e hoao e hoomamao mai ka auamo pu ana i na pilikia, nā hoa holokaa e ae, a e kaohi hoi i ka hoike laula ana ae i na inoa mamua o ka uhi ana iaia iho. Ua hoi hou mai ke Kiaaina i ke Keena o ke Kauka Hodgins, no ka hoomaopopo ana i ke kanaka poino, oiai nae i kela manawa, ua hapai hou ia i kona hale, a malaila ke kauka Habati me ka wahine e lawelawe ana nona. '