Ka Nupepa Kuokoa, Volume XLII, Number 29, 19 July 1907 — HE NANE. [ARTICLE]

HE NANE.

He kino, he poo, a he huelo no ko'u ina e okiia kuu poo, a koe kuu kino ame kuu huelo e pa ana au i ka ai ia e na holoholona ame na kanaka. Ina o kuu kino wale no, e lilo ana au i mea nui a kaulana, a na'u e rula nei na mea apau o ka honua a ke hanai ak oei au ia lakou a hoomalu hoi malalo iho o ko'u mana. Ina o kuu poo wale no, he milimili au, he punahele, a he ipo alona nana keonimana ame na lede iwaena o ka poe hanohano, he hoa kaunu ma na anaina hoolaulea a na poe waiwai e luana pu ai ma na Towera, na Kakela kamaha'o ame na Hotele kaulana o ke Ao nei a puni. Ina o kuu huela wale no, he leo au no kekahi manu, a i ole ia, he mea kaulana au a mahalo anui ia iwaena o kuu lahui a'u i aloha loa ai. Ina huiia kuu poo, me kuu kino, he mea au i makemake nuila e na mea apau, ke imi ia nei au, ke huli ia nei, ke hakilo ia nei, hoomakakiu ia, hookolo ia, noiiia a nowelo ia hoj, mai ka poiuiu o ka lan a i ka lipolipo o ka moana. Ina e huiia kuu poo, me kuu kino, ame kuu huelo alaila, loaa kuu kino holookoa mai ke poo a kuu huelo. E ike no oukou ia'u he kupanaha au o na kupaianaha, he kamahao a luaole o na kamahao, pookela ko'u noeau, hohonu a palenaole ka naauao o ko keia ao ua like ia me ke kuhihewa o ke keiki kolo, a o ko'u lono, ua hiki aku ia i na welelau o ka honua, a pela i puana ia ai ma ka Euanelio mau loa I kinohi ka Logou, Me ke Akua no ka Logou A o ke Akua no ka Logou. Owai kuu inoa? E kuailo mai, ina au e loaa ia oukou, e kukuli iho aanei oukou a hoomana mai ia'u, a i ole pela, e hiki hou mai ana au e hoike i na lahui apau o ke ao nei. "Eia mai ke Kihapaipua o Elenale. Ka Mahinaal i piha i ke Aloha, Ka aL Alohi Murisedela Kai maokioki o Kona." Kailua i ka paka ona, Mei 23, 1907.