Ka Nupepa Kuokoa, Volume XLII, Number 28, 12 Iulai 1907 — AEIA O LORRIN ADREWS E LAWELAWE I KA OIHANA LOIO. [ARTICLE]

AEIA O LORRIN ADREWS E LAWELAWE I KA OIHANA LOIO.

Wahi a ka Nupepa Manawa o Shanghai penei kana i hoolaha ae al: I ka wa i wehe ai ka Aha Hookolokolo, ua hoolaha mai la ka Lunakanawai Wilfrey he palapala noi ka Mr. Lorrin Andrews no ka ae ana aku iaia e iawelawe kanawai ma ke ano he Loio lmua o ka Aha Amerika. Ua ninauia mai oia ina he makemake kona e ninaninau wahaia, a i ole, ma ka hoike kakau paha; a ina oia e manao ana ma kekahi o keia mau ai\o oia e ninauia ai he mea pono no ia k& koho a hoike aku. Ua hoike aku oia u a manao oia ma ka hoike ninaninau waha oia e hoikeia ai. Nolaiia, ua hoolaha mai la ka mea hanohano e nee na hana Imua no ka ninau ana a ua makemake oia i mea kakau moolelo e hoopaa i na ninau ame na haina e paneia ana. Ma ia manawa ua hoike aku o Mr. Andrews i kona makemake ole e hoopaaia kana mau pane e Jca meakakau, a e hoakaka pu ana i ka piiikia o ke kulana ma ke ano o ke kanaka e haawi ana i kana mau pape ma ka olelo waha no na ninau i waiho ia mai. A ia manawa ua ninaninauia oia no ka manawa 1 oi aku i ka hora. O na ninau paakiki apau i waihoia mai e pili ana i ke kanawai karaima a 'kivila, ua paneia no eia me ka eleu ame ka pololei i na manawa apau a i kupono maoli no hoi i ka makemake o ka Aha. I ka hoopau ana i ka ninaninau, ua pane mai la ka Lunakanawal Wilfrey, ua paneia mai e Mr. Anaru na ninau apau i waihoia aku imua ona me ka pololei loa. Ua hookomo pu mai oia me kana paiapaia noi me na hooia i na kulana ko'iko'i ana i lawelawe ai me kona hoopono ma ka lawela,we ana i na kulana mua i lawelaweia e ia. Ua loaa mai keia mau paiapaia hooia mai na luna aupuni ko'iko'i mai o Wasinetona, Burukeiina, (Nu Ioka) a ma Hawaii a ma na ano apau he mau paiapala hooia kupono wale no. I keia la e aeia o Mr. Andrews e komo pu iloko o ka Papa Loio.