Ka Nupepa Kuokoa, Volume XLII, Number 28, 12 Iulai 1907 — HE KAIKAMAHINE MAKAPO. [ARTICLE]

HE KAIKAMAHINE MAKAPO.

KIKAKO, lune 24.—0 Miss Edita M. Griffen he kaikamahine makapo i puka pono mai mai ke Kula Kiekie McKinley mai, ua haawiia aku iaia na hoomaikai kiekie me na hookipa ohaoha ana ma kona ano he haumana i puka pono me kona haawina kupaianaha he makapo, e na tiusana o na haumana o na Kula Kiekie o Kikako. He heluna nui o na Kula i kipa makai*kaiia aku e ia e hiki ai iaia ke kamailio pu aku me na haumana.

He haumana holomua loa oia ma ka olelo Lakina ame ka Helene, a ua hiki pu iaia ke kamailio ma ka olelo Farani ame Kelemania.

Ua hikl iai a ke kakau i na kumumanao maluna o na hana akeakamal a Herbert Spencer Thoreau ame keka« hi poe e ae.'

Ua hiki iaia ke hookani piano, hulahula, a e paani pepa hahau, Ua hikl pu iaia ke kakau iluna o ka mikini klkokikohua, humuhumu lole, hana i ka moe, hana i ke pakaukau al ame kekahi mau hana e ae oloko o ka hale.

Ua kakau oia he kumumanao e pili ana i na moolelo kahiko, kona mooku-

auhau ame ka moolelo pili akua, Pehea ko oukou manao no keia haawina kupaianaha a ke Akua i haawi mai al i keia kaikamahine makapo i mea e hoonaniia ai kona inoa?