Ka Nupepa Kuokoa, Volume XLII, Number 23, 14 June 1907 — ME HE MEA LA E LOAA ANA KA PAKE MAHUKA. [ARTICLE]

ME HE MEA LA E LOAA ANA KA PAKE MAHUKA.

O ka hale e noho nei na Kepani hana o ka Hoomana Kakolika ma kona luakini o Kalihi ae nei ua komo aihueia ae e kekahi mea ma ka po o ka Poalua nei. Ua lilo aku i ka aihueia he $15.00 kuike, he elua mau uwaki. he paa kamaa ame hookahi pahi-pelu. I kona haale'le ana iho i ka hale ana i komo aihue ai ua haalele iho oia i kana wahi pahi poo-moku. Ua manao waleia o Chu Seo keia kanaka aihue, a oia no hoi ka Pake paahao i holo mahuka iho nei e hele nei i ka laula o ka aina. Ua mahuka aku oia ma ke Sabati i hala iho la elike me kona meahou e puka pu aku nei ma keia helu. A ; ma ka Poakahi a'e ua hoea aku la kekahi Pake i kal'i o na Kepani hana i oleloia ae nei a hui kamailio pu me lakou kahi boi ana i 'ninau aku ai iko lakou hale e noho ana. Ua ninau pu aku no hoi oia no kekahi mau mea e ae. f Ua hoikeia aku no ko lakou wahi i noho ai a mahope oia i haalele aku ai ua Pake nei ia lakou, aka, ua manaoia ua hoi hou mai oia ma kekahi la ae a aihueia ai na mea i hoikeia ae nei. Ua hoikeia mai keia aihue ana i ka Makaikiu Taylor a ia manawa no i hanu kokeia aku ai mahope ona a pela i manaoia ai e loaa ana ka mea mahuka.