Ka Nupepa Kuokoa, Volume XLII, Number 23, 14 June 1907 — HALA O SENATOA MORGAN O KA AHAOLELO NUI. [ARTICLE]

HALA O SENATOA MORGAN O KA AHAOLELO NUI.

WAKINEKONA, lune 12.—0 Senatoa John T. Morgan o Alabama ua make. O Senatoa Morgan ua hanau ia oia ma Athens, Tennessee, ma ka la 20 o lune, 1824, a mailaila aku a noho i Alahama i kona wa he eiwa wale no makahiki. Ma kona kulana maoli o ka oihana he loio oia mamua o ka maka ana o ke 'kaua kuloko o Amerika Huipuia. At iloko o keia kaua i hoomaka ai ua!'konio aku oia iloko o ke kaua ma ke ano he koa a mailaila oia o ka pii ana a hiki i ke kulana kenerala-bngedia (he kulana oihana koa kiekie keia). Ma kona kulana kaukanawai he hoa oia no ka Senate o ka Ahaolelo Nui o Amerika Huipuia a oia hoi ke kanaka i komo poko īloko o ka hoohuiaina o Hawaii nei ia Amerika. O ka Morgan keia i holo mai ai i Hawaii nei no īa hana ma kona hoounaia ana mai. I ka wa a Peresidena Kalivilana o Amerika (he Demokarata keia kanaka) e hoao ana e hoihoi ae i ka Moiwahine ma kona kalaunu, ua iokahi ole ko Morgan manao me ko kona hoa Demokarata (no ka mea he Demokarata no o Senatoa Morgan) no ka mea aole o ka hoihoi i ka Moiwahine ma ka- nohoalu kona manao aka o ke kakoo i ke Aupuni Repubalika. . Ao ka hopena o na hakoko ua ikeia e na mea apau, oia ka hui ana o Hawaii Paeaina me Amerika Huipuia.