Ka Nupepa Kuokoa, Volume XLII, Number 23, 7 Iune 1907 — O KA MAKUA REV. J. KAUHANE UA HAALELE MAI I KEIA OLA ANA [ARTICLE+ILLUSTRATION]

O KA MAKUA REV. J. KAUHANE UA HAALELE MAI I KEIA OLA ANA

Ma ka Poakahi nei i pauaho mai ai 0 Rev. J. Kauhane i keia ola ana maloko o ka halema'i Moiwahine. Ua piha iaia na makahiki he 79 a make wale aku la oia, a he 40 hoi ona mau makahiki i noho ai ma ke ano kahunapule no ka Ekaleaia o Waiohinu, Kau, Hawaii. Ua loaa iaia ka hoonaauaola ana ilo-. ko o kona mau la opio, ma ke Kula Hanai o Hilo, ame ke kula o Lahainaiuna, a mahope mai o kona heie ana e huli 1 ka naauao maloko o kela mau kula ae la, ua hoi mai la oia a noho 1 ke Kula Kahunapule ma Honolulu nei. O keia ke Kanaka Hawaii mua loa 1 hoounaia aku mai keia Paeaina aku iloko o ia manawa, a ua lilo hoi ia i mea ano nui loa i ka poe i hoomaopopo 1 keia mea. Aole no i loihi kona n.oho ana ilaiia, no ka mea ua huli hoi koke mai no oia no Hawaii nei iloko a hookahi makahiki, Mahope koke iho o kona huli hoi ana mai ma kela huakai, i na mokupuni, o ka Hema, ua hoohoho ia aku la oia 1 kahu no ka Ekalesia ma Waiohimi, Kau. Mamuli hoi o ka loaa oie o kekahi kanaka kupono nana e lawe ae i ke kulana lunakanawai no ka apana ana e noho ana, ua hookohuia mai la oia ma ia kulana, me kona makemak& ole no nae ia hana. lioko o ka makahiki 1880, ua holo Lunamakaainana mai la oia mai ka Apana mal o Kau, a kohoia no ka Ahaolelo i ke au e noho moi ana o Kalakaua. Maiioko mai o ia kona lilo ana i hoa no ka Ahaolelo ma ke ano Lunamakaainana a Senatoa no hoi a hiki wale i ka makahiki 1890. Ua hoea mai o Rev. J. Kauhane i keia kulanakauhaie, no ke komo pu ana ma na hana o ka Ahahui Euanelio o ka Paeaina i malamaia iho nei maloko o keia kuianakauhale iloko o keia mahina. Ma ka Poakahi aku nei o ka pule 1 hala i kau mai ai ka nawaiiwali maluna ōnā, a mai ia manawa mai a hikl l ka Poaha, ua hoihoiia aku la oia no ka Halema'i Moiwahine a malaila oia kaiii i waiho ai a liiki wale no i kona

hala ana aku la. Ua hala aku oia me ka waiho iho he eha mau keiki e kanikau aku nona ma kela ao. Eia maloko o keia kulanakauhale he ekelu ana mau keiki, o Noa Kauhane, Mrs. E. B. Robbins, ame Mrs. R. C. Lane, a o Sam Kauhane no hoi e noho mal la ma ko lakou wahi paa ma Kau. Ua waihoia ae kona kino lepo ma ke Jteena kupapau o Williams mahope iho o kona make ana, a e hoihoi loaia aku ana no kona wahi ma Kau ma ka mokuahi Mauna Loa o keia Kakahiaka. Ua malamaia he anaina haipule maluna o kona kino, mamua o ka lawe loaia ana aku no ka mokuahi, a na Rev. ■'H/H. Paleka i alakal ia anaina haipuie ma ka luakini o Kawaiahao i kaTiora 4 o nehinei.

REV. J. KAUHANE.