Ka Nupepa Kuokoa, Volume XLII, Number 23, 7 June 1907 — KA PAANI KINIPOPO MA AALA PAKA I KA LA SABATI NEI. [ARTICLE]

KA PAANI KINIPOPO MA AALA PAKA I KA LA SABATI NEI.

Me he mea la aole i ikeia mamua kekahi paanl- hahana i paaniia e na hui kinipopo o na mokupuni e like me kit paani ana i malamaia mawaena o na hui kinipopo Palama ame Aloha, o ka hui o na Pake, ma ka auwina la o ke Sabati i hala, oiai ua piha na kōmo ana he umi-kumamahiku, a lilo ae la ka lanakila i ka hui o na keikl Pake, he eha a lakou mau aipuni i ka ekolu a Palama.

O ka paani mua i malamaia ai, mawaena o na hui kinipopo Kaala ame na Kepanii' a ua kaa ka lanakila o ia paani i ka hui Kaala, ma o ka loaa ana o na aipuni he 12 ia lakou, a he 11 hol a na Kepani, iloko o na komo ana he umi-kumamalua. He anaina nui ka i hiki aku ilalla e makaikai ai i na hui paāni a e loheia ana na leo huro ame ka pa'ipa'i ana oiai na hui eiua e ulele ana ma ke kahua mokomoko. Iloko o na komo ana he eiwa, u* loaa na aipuni i na aoao a elua he ekolu pakahi, a me ia paa mau *> ko iaua inau aipuni a hiki wale i ka umi-ku-mamahiku o na komo ana. Ua manao ka umapaea Williams e hoopau i ka paa ni ana no ke ahiahi loa, oiai o ka hapaha ia i hala o ka hora eono, aka oiai nae ka hui o na Keiki Pake e paani ana i ka lakou komo hope loa i manaola ai, mamua o ka hoopau waleia ana o ka paani ana, ua loaa hou ae la ia lakou he hookahi aipule hou, a o ke kaa ae la no ia o ke eo ia lakou.