Ka Nupepa Kuokoa, Volume XLII, Number 23, 7 June 1907 — NA KAIKAMAHINE O KE KULA. KAMEHAMEHA. [ARTICLE]

NA KAIKAMAHINE O KE KULA. KAMEHAMEHA.

Ma ka po o ka Poakahl nei i malamaia ae ai na hana hope o ka papa o na kaikamahine o ke Kula o Kamehameha i puka iho la i keia makahiki, maloko o ka halepule o ke kula. Ua hoohlwahiwaia ua hale la me na lau nahelehele, ame na pahu o na mea kanu ,a he huina nui o na hoaloha ame na makua o na kaikamahine i hikl aku e ike i na hana ha'iolelo o ia po. O na kaikamahine i puka i keia makahlki, o Florence Kaehuokanani Abbey, Augusta Muller, Irene Kamakolu Sylva, Aliee Kalaaumoe Mahiko, Maria Kealohaokalani Ellis, Helen Lanmoy Apo, Nora Kauha'iloulu Kahaleole, Rose Kauiokohala Hussey, ame KalaPiliwale. Mawaho ae o keia mau kaikamahine i hoikeia ae ia, o Maria Kalolowehilani Kamai ame Lily Malua'e Kai na kaikamahine i puka mai na akamai mai. Ua weheia ai na hana ha'iolelo mua loa o keia papa e Miss Maria Elli"s, maluna o ke kumumanao "Na kaikamahine o Nehinei a o keia la o Hawaii. Ua hoikeike mai oia i ka like oie o na kaikamahine he mau hanerl makahiki i hala me na kaikamahlne o keia au e nee nei, oiai, iloko o la au pouli o ka hana maa i na kalkamahine i ka hana ana, oia no ke kuku kapa, a' he noho hoi lakou iloko o ke kapu, me ka uuku loa o kahi mea e loaa ana ia lakou o na mea plli i ka hoonaauaoia ana. O na kaikamahine o keia au naauao, he loaa ia lakou ka lakou mau mea apau e makemake al i loaa ole i na kaikamahine o ke au i hala, a o keia ka like ole o na kaikamahine o ka wa i hala me ko keia wa.

O ka Miss Mahikoa pepa i heluhelu mal ai, maluna o ka pono e loaa ona kula e a'oia no ka makaukau no ka malama ana i na ma'i ma Hawaii nei, kahi hoi e loaa ai i na kaikamahine Hawaii ka makaukau ma ka malama ana i na ma'i, ame ka makaukau o ka malama ana i na kamalii, no ka mea o ka ike ole i ka hooko ana i keia mau loina ano nui iloko o ka nohona lahui ana ke kumu e emi nui nei ka lahul Hawali. He mau kaikamahine no kekalii i kamailio mai mahope o lakou, alaila ua haawi mai la o Miss Pope ke kumupoo o ke kula i ko lakou mau palapala hoomaikai me ke a'o pu mai ia lakou e malama i ka moto o ko lakou papa ia lakou e komo aku ai i ka noho ana o keia ao oia hoi "He Naauao ka Maeae."