Ka Nupepa Kuokoa, Volume XLII, Number 22, 31 May 1907 — PAA HE POE KI-PA I KA HOPUIA. [ARTICLE]

Help Learn more about this Article Text

PAA HE POE KI-PA I KA HOPUIA.

Ma ka auwina la o ka Poakolu o ka pule aku nei i hala, i paa a'e ai kekahi poe no lakou ka heluna he eha i ka hopuia e na makai no ke kea ame ka Makaikiu Taylor, a e weheia aku ana na hana piliwaiwai He elua pule mamua aku o keia hopuia ana iho la i laulaha a'e ai ka lohe ma ke taona o na Pake, ua paa ka maka o ka Makai Nui laukea ame k Makaikiu Taylor, a e weheia aku ana na hana piliwaiwai ki-pa malalo o ka laūa mau hoopakele ana. Mamuli o keia lono, ua kakauia iho la he leta mai ka Makaikiu Taylor e hoole ana i ka oiaio o ia lono, a hoopukaia maloko o ka nupepa Pake, e hoike pu ana, i na e loaa aku ana kekahi poe e hana ana i keia ano hana piliwaiwai, e pau no lakou i ka hopuia. Me ka nana oleia mai na'e o keia pane a ka Makaikiu, ua hoomakaia a'e la ka piliwaiwai ki-pa, a aole no hoi i emo iho o ka hoea koke mai la no ia oka lohe imua oka oihana makai. Ua hoounaia aku na makai Apana ame Medeiros no ka hakilo pono ana i keia poe piliwaiwai, a o ka hopena o ka laua hana, oia no ka laweia ana a'e o ka poe hakihaki kanawai no Kuapapanui; he ekolu mau kanaka Hawaii a he hookahi Pake. Iloko o keia manawa i hopuia ai o keia poe, ua holo aku la he elua mau mea e a'e a kiola i ka lakou mau pepa hoomanao iloko o ka wai, aka na'e ua pau no ua mau pepa la i ka loaa, a e laweia mai ana i mau ike e ku-e ana ika poe i hoopiiia. Ua pau no ua poe hoopiiia la i ka hookuuia ma o ka belaia ana ma ka hookahi haneri dala pakahi.