Ka Nupepa Kuokoa, Volume XLII, Number 22, 31 May 1907 — UA LOIHI KA PAA ANA ILOKO O KA HALEPAAHAO A HOOKUU WALEIA. [ARTICLE]
UA LOIHI KA PAA ANA ILOKO O KA HALEPAAHAO A HOOKUU WALEIA.
Ma ka Poakolu o ka pule aku nei i hala i laweia mai ai o Martin Figuero he Poko Riko imua o Lunakanawai De Bok, a ae maoli aku la oia i kona hewa no ka aeahaukae. O ke kumu o ka ae ana o keia Poko Riko i kona hewa, mamuli o ka hoohiki ana aku o ka Hope Loio Kuhina Milverton, ina e ae ana oia i kona hewa, alaila, e noi ana oia i ka aha e hoopanee i kona hoopai, a no ia kumu, ua hookuu mai la ka lunakanawai i ka mea i hoopiiia, me k hoopnee ana na'e i kona hoopai no ka manawa o umi-kumamakolu mahina, a ina e loaa hou aku ana oia ma ke ano aeahaukae mamua a'e o ia manawa, alaila e kau maoli ia aku ana ka hoopai maluna ona. , Ua hoakaka a'e ka lunakanawai i ka pono ole o ke ano o ka hoopaaia ana o kekahi mea maloko o ka hale paahao elike me na mea e hoohanaia nei, a haawi oleia hoi kona pono malalo o ke kumuk&nwi no kona hookolokolo kokeia. Ina 110 i nee papa ka Lunakanawai De Bolt i ka hookolokolo ana i na hihia hewa elike me ka papa kuhikuhi o na hihia, ina ua loaa hou aku paha he mau mahina ekolu no keia Poko Riko e noho ai iloko o ka .hale paahao, aka aole nae pela ka De Bolt i hana ai, ua lawe mai oia i na hihia ana i ai e pono e hoolohe kokeia, i hooholoholoia aku ai na hana. Ua hopuia a hoopaaia o Figuero maloko o ka hale paahao ma ka la 17 o Novemaba o kela makahiki aku nei, aua ahewaia eke kiure nui ma ka la 21 o lanuari aku nei i hala, a waihoia .ka hoolohe ana i kona liihia a hiki i ka la 15 o ka mahina o Maraki, a ia manawa i pane ai oia e hoole ana i kona hewa. Ma ka lawe houia ana mai ma ka la 22 nei o keia mahina i hoololi a'e ai oia i kana pane mai ka hewa ole a'e a i ka hewa, a hookuuia aku la oia, eia nae ua loihi kona noho ana iloko o ka hale paahao, he loihi kupono hoi i na paEa oia i ae i kona hewa i kela manawa ona i hookolokolo muaia ai, ina ua hiki aku no paha ka loihi o kona manawa e noho ai i ka hale paahao elike me keia manawa ana i kali wale ai no no kona hookolokoloia.