Ka Nupepa Kuokoa, Volume XLII, Number 21, 24 May 1907 — AOHE NUI O KA I'O PIPI I KA MAHINA O APERILA. [ARTICLE]

AOHE NUI O KA I'O PIPI I KA MAHINA O APERILA.

Ma ka mahina o Aperila i ikeia ai ka emi ana mai o ka i'o bibi iwaena o na wahi kuai a no ia kumu i ulu ae ai na manao like ole niai waena mai o ka poe kalepa maluna oia ninau, no ka huli ana i ke kunui oka emi ana. A o keia malalo iho nei ka manao o kekahi ona kanaka kalepa oloko o kekahi hui nui. "Aia ma kahi o kanahiku-kumamalima ka emi iho o na pipi i pepehiia i Honolulu nei iloko o ka malama o Aperila i ko ka mahina o Malaki a o ka poe ai i'o pipi ia malama o Aperila ua like 110 me ko keia mahina. "He nui 110 na kunm o ka ulu ana mai o keia pilikia iloko 0 ko'u noonoo ana. A o kekahi o lakou oia no ka haalele ana iho o kekahi poe i ke Jfulanakauhale nei a o kekahi liapa o ia poe aia 110 na Pukiki, a he poe ai i'o pipi maoli no lakou. "A o kekahi kumu no hoi, oia no ka wela nui mai o ka la 110 ka mea aohe he ai nuiia o ka i'o pipi ia manawa mamua o na wa ohiolu mai. A o kekahi kumu no hoi oia k& nui ino loa ona i*a o keia manawa, ke kumu nui i ai nui ole ai na Hawaii i ka i'o pipi no ka mea aia ma ka i a ko lakou hooikaika o keia manawa."