Ka Nupepa Kuokoa, Volume XLII, Number 21, 24 May 1907 — E PAU ANA AUANEI PAHA KA HOLO HOU ANA O KA MOKUAHI ALAMEDA. [ARTICLE]

E PAU ANA AUANEI PAHA KA HOLO HOU ANA O KA MOKUAHI ALAMEDA.

Ma na mea hou i wawaia ae ma ke ku ana mai nei a ka mokuahi Arameda ma ka Poalima nei, me he mea la he elua wale no mau kelepa a ka Alameda e holo hou mai ai no Honolulu nei, alaila pau loa kona ike houia ana mai i- o kakou nei. Ua hoomaopopo pu no hoi e malamaia aku ana he halawai ma keia mua koke iho e ka poe paa miahele, a ia manawa auanei paha e hoololiloliia ai na mea i manaoia e hana aku. Oke ano oka mea hou i loheia ae, oia no ka hoopauia ana ae o ka holo ana mai o ka Alameda, a he moku hoi ka mea e pani uiai ma kona wahi. He nui no na wawa olelo e loheia la ma Kapalakiko, e pili ana i ka hui mokuahi Oeeanie Company, a ua oleloia ae no hoi me he mea la e kuaiia ae ana na moku e John . Spreckels & Co., ka hui e ku bona nei. Ina pela iho la ke kulana, alaila e kukulu hou ia aku ana he hui hou o keia ka mea e upuia aku nei e hoea mai ana. Oiai ka mokuahi Alameda ma Kapalakiko aku nei, kana huakai hope, a holo hou mai la no Honolulu nei, ua hukiia oia iluna o ke ala huki moku nia Hunters Point, a ilaila ia kahi i hoomaemaeia ai me ke pena houia ana, a iaia i holo mai nei, ua maikai maoli kona ano e Hke me ia i keia manawa. No na mea nae e pili ana i ka hoopau ana i ko ka Alameda holo iou ana mai no Honolulu nei, ua hoike ae oW. G. Invi n penei: "O keia mau ano e pili ana i ka Oeeanie Steamship Co., aole i pau i£a hooponoponoia a haalele wale aku nei au ia Kapalakiko, a ua hiki ofe ia'u ke hoike aku i kekahi mea hou maopopo loa. Ke'upuia nei e hoomauia aku ana no ka holo ana o ka Alameda ame ka Sierra ma Honolulu nei; a ma na mea i maopopo ia'u, aole he manao i hoolalaia no ka hōopau ana i ka holo' ana o ka Alameda maanei, a paniia mai kona wahi e kekahi mokuahi hou."