Ka Nupepa Kuokoa, Volume XLII, Number 21, 24 Mei 1907 — KA PAPA HOONOHONOHO O NA HANA HOOKIPA I NA MALIHINI O KA AHAOLELO MAKUA. [ARTICLE]

KA PAPA HOONOHONOHO O NA HANA HOOKIPA I NA MALIHINI O KA AHAOLELO MAKUA.

Ma ka halawai i malamaia ai e ke komite Hookipa o Oahu nei ma ka auwina la o ka Poalima aku nei i haila, maloko o ke Keena o ke komite Hookipa, ua hoolalāia ae na hana e hoohauoliia ai na malihini o ka Ahaolelo Makua, mahope iho o ko lakou huli hoi ana mai, mai ka mokupuni mai o Hawaii. He elua mau huakai ano nui i hoolala ia; o ka mua, he huakai 'no lalo o ke Kulanakauhale Momi, maluna o ka moku Iroquois, ma keia moku no na malihini e holo aku ai, a e huli hoi mai ai no hoi no ke taona nei, aka nae, ina maoli kekahi poe o lakou i makemake e kau maluna o ka moku, ua hiki no ke kau maluna o ke kaaahi. I ka wa e hoea aku ai o ka huakai no kahi i manaoia e hookipaia aku ana lakou e Mrssrs. Fred ame Clarence Macfarlajie, me ka lawe hoomakaikaiia ana ma na wahi ano nui olaila, a e hookipa pu ia $na ma kekahi paina i hoomakaukauia ho lakou ma ka hale noho o Maefarlane. " •. :» O ka lua o ka lmakai, ma ka Poalua, ka la 28 o Mei, no ka Ehukai o Puaena ame Wahiawa. o ke .kaaahi ka huakai makaikai e holo aku ai i ke kakahiaka, e hoea ai hoi i ka hotele o Haleiwa ma ka hapalua o ka hora ekahi, a majaila e hookipaia aku ai lakou i kekahi papaaina i hoomakaukauia no laJ>joju. Ma ia auwina la e hoohalaia ana ko lakew manawa, ma ka hele makaikai ana ma ka mahiko o Waialua,' aJ.;ka huli hoi ana mai no ka hotele i ke ahiahi, e hoohalaia ana manawa ma na hana a ko Waialua Komite i hooholo ai. Ma ke kakahiaka nui ae o ka Poakolu e hoea aku ai na kaa otomohile no ka halihali ana i na malihini no Wahiawa, a e hoohalaia ana 'he manawa no ka makaikai ana i ka luawai hooki'o ame ka makaikai a*na i ka oihana kanu hala kahiki. • O ka mea ano nui ma keia huakai makaikai oia no ka hoike ana aku i na eka aina he 1300 i hookaawaleia no ka oihana koa a ke aupuni i lawe ae ai, a e manaolana ia aku nei no hoi no ka hoihoiia mai o ka hapanui o ka aina i ka Teritori, oiai me he mea la o ka mahele maikai loa ia oka aina ma ia wahi holookoa. Mahope iho oka pau ana o ka makaikai ana ia laila, alaila, e huli hoi mai ai ka huakai no ke laona nel, ma na kaa otomobile paha, a i ole ma ke kaaalii paha, e like me ke alahele a lakou i makemake ai, Ua makemake ia no hoi e hoea mai i ka hora 1130. Ua hooholo pu ae no hoi ke komite, aole lakou e noonoo no na mea e pili ana no ka la Hoomanao, oiai e hoomaopopoia aku ana no keia mea e ka hui Ma-lu kuloko o ka Puali Nui. E kaa ana ka hooponopono ana o keia huakai o Waialua malalo 0 ka Ahahui o ka poe kanu ko, oiai, ua manaoia, mahope iho o ko na malihini ike ana i na mahiko o na mokupuni e ae, he mea pono no e hoomakaikaiia aku lakou ma na mahiko maanei, o kuhihewa mai auanei lakou, aole he mea o ia ano ma Oahu nei. Eia iho ka Papa hana o na mea i manao ia, mahope iho o ka huli liof a'na mai o na malihini mai Hawaii mai. Ma ka Poaono, Mei 25, e hookipaia* ana lakou ma ka ahaaina a ke Kama'liiwahine Kawananakoa, mai ka hora 5 a hiki i ka hora 7 o ke ahiahi, a ma ka hora 8, maloko o ka halekeaka Opiuma lakou e makaikai ai i na hana keaka. Ma ke Sabati ae, Mei 26, e hoohalaia ana ka auwina la ma ka holo makaikai ana maluna o na kaa otomobile i ka Pukaki, a mailaila mai a ka nana puhiohe ma ka pa Alii. Ma ka Poakahi, no ka hele makaikai ana i ke kulanakauhale ]\lomi, a nia ka huli hoi ana mai, e malamaia ana he paina ma k*t Hotele Moana, a he aha hoohauoli hoi o na leele malihini ma kahi o Mrs. Dowsett. Ma ka Poalua, no lalo o Waialua, a ma ka Poakolu ae no Wahiawa, a huli hoi loa mai no ke taona nei.