Ka Nupepa Kuokoa, Volume XLII, Number 21, 24 May 1907 — WAIHO O MR. DODGE I KA OIHANA. [ARTICLE]
WAIHO O MR. DODGE I KA OIHANA.
O Mn Frank S. Dodge ka lunahoohana o ka Waiwai o Pauahi Eihopa, ua waiho aku oia i kona kulana ma ke ano he komikina no ka Papa Hoonaauao. L'a waiho pu aku no hoi oia ika oihana kulana komikina no ka Waihona Buke o ka Lehulehu, he oihana hoi a ke Kiaaina i hookohu koke iho nei iaia. Ma ke kulana komikina o ka Waihona Buke o ka Lehulehu ua hookohu aku ke Kiaaina me ka ui mua ole ana aku ia Mr. Dodge ke kumu o ka maopopo mua ole ana o ka manao o ke keonimana i hookohuia aku ai. Ua loaa mai no ko Mr. Dodge komikina iaia mahope īho nae o ka hala ana aku o ke Kiaaina no Amerika aka ua hoihoi aku no oia ilokō o ka manawa kupono. • He hookahi no kumu o ko keia keonimana waiho ana i ka hana mamuli no ia o kona paa i na hana o ka Waiwai o Pauahi Bihopa.