Ka Nupepa Kuokoa, Volume XLII, Number 21, 24 May 1907 — KOMO HOU O BEKE PANEE ILOKO O KA AHA. [ARTICLE]

KOMO HOU O BEKE PANEE ILOKO O KA AHA.

Eia he hana hou no Beke Panee Hunieku i hookomoia ae ai iloko o ka Alia a Lunakanawai Robinson, ka lede hoi nona na hana pili waiwai aina i hoolohe mauia iloko o na Aha pili waiwai he mau makahiki i hala ae nei. Mahope iho oka hoomalolo ana ua.komo akii la keia hana. He hana keia na kona Kahu Hanai Mr. R. H. Trent, ka Puuku o ke Kalana o Oahii, i hookomo aku nei ma o kona loio la Mr. Watson no ke noi ana i ka Aha e haawiia mai ka mana i ka mea noi e hoolimalima aku i kekahi waiwai aina o Beke e waiho nei ma Alanui Mauna&ea no $20 o ka mahina no ka manawa o 20 makahiki ka loihi. He aina keia nona ka nvii kino o 2356 kapuai kuea a ua ae lioi la mea i makemake e hoolimalima i ka aina e kukulu i hale no $3000 a malama hoi i ka huina o $2000 inisua no ka pono 0 ka aoao mua. Mamua aku he aina keia i hoolimalimaia no $50 o ka mahina aka no kekahi manawa i waiho wale ai me ke komo ole mai o kekahi loaa. I ka manao o ka mea noi he mea pono e aeia mai keia uku hoolilimalima no ka pono o ka hana ame kona waiwai pu.