Ka Nupepa Kuokoa, Volume XLII, Number 21, 24 May 1907 — KA HOOKIPA A KO MAUI POE I NA HOA MALIHINI. [ARTICLE]

KA HOOKIPA A KO MAUI POE I NA HOA MALIHINI.

MAUI, Mei 17, 1907. —Ma ke kakahiaka o ka Poakolu nei i ku mai ai ke Kalauelina ame Mexican na laua hoi i lawe mai i na hoa hanohano oka Ahaolelo Nui. He kanaha-kumamahiku ko lakou nui „ i nkaliia e ehiku mau koa o ka Puali Kiai Lahui malalo o Lukanela Neely. . Ma Kahului ke ku ana ae o na moku ame ka loaa ole o na kuia na lele mai la me ka maikai a ua holomua na mea apau o ka hookipa ana. . * ' 0 kekahi mea i holo pono ai ka huakai oia no ka malie a oia no lioi kekahi kumu i holoinua ai na hoohana hookipa ana a ko Maui poe, ka mea.hoi i mahalo nui ai na hoa hanohano o ka Ahaolelo Nui. Ua ukali pu aku i na hoa Ahaolelo o Hope-Kiaaina Atkinson, L. A. Kakina, F. M. Hatch, Senatoa Kiliniwoki, Kakauolelo McClellan ame kekahi poe e ae o Honolulu mawaho ae o ka poe kakau nupepa. 1 ka hoea ana mai i ka Poakolu ua kaa aku lakou malalo o ka malama ana oke komite hooko—J. N. S. Williams, F. F. Baldwin, C. B. Wells, W. J. Coelho, Philip Pali, D. C. Lindsay, C. D. Luffkin A. McKay—a o keia malalo iho nei na hana i hoolalaia ma ka papa kuhikuhi: Makaikai i-ka halewiliko hou oka Hui Mahiko o Wailuku, ame ka nana ana i ka halekula o Wailuku, kahi hoi i haawiia mai ai he mau hoikeike o ke kula mai na haumana mai ame ka huakai o ka pii ana iuka o lao. He luau ka i malamaia ma kahi noho o Mr. ame Mrs. Feld o ka owawa a mahope i hoi mai ai lakou a ma na home o ko Wailuku poe, ko Kahului ame ko Puunene ka hoaumOe ana o na malihini. Ma ke kakahiaka Poaha ae i hoohala ai na malihini ma ka mahiko 0 Puunene a hiki wale i Kihei ma ke kau ana maluna o ke kaaahi no ka nana ana ika pauma wai. Mahope oka paina awakea ma Puunene mahope iho o ka huli hoi ana ilaila ua kamoe loa aku la ka lakou makaikai ana no Paia ma ke kau ana maluna o ke kaaahi ma ia auwina la. A ilaila i hui aku ai lakou me ke komite Hookipa o Maui a ma ka lakou hoomakaukau ana ua hoolawaia na malihini me na kaa ame na kaa otomobile a maluna olaila ke kau ana a hoomaka ka pii ana no Haleakala. Ua piiia e lakou mai Paia aku a hiki i kahi o Brewer ma Makawao ma na kaa, ua like hoi ia me ehiku mile, a malaila aku no hoi i kau aku ai lakou maluna o na lio no ka pii ana i ke koena 0 ke ala e hiki ai i Haleakala. A i ko lakou.hiki ana i OHnda ua auwi aku la ka la a malaila lakou kahi i hoaumoe ai. Ma ka hora 1 a hora 2 paha o keia kakahiaka i nakeke hele ai ke alahele e hiki ai i ka piko o ka mauna a ua malaelae ka moe ana o ka huakai ana kamahele. Ahe ku maoli no ika hauoli oka hoohala ana ma ka huakai, no ka mea, ua pii aku na malihini me na aahu kaulio ole a oiai no hoi he poe lakou aole i makaukau a maa ole i ke kaulio a oi loa aku na lede a lakou ua ku maoli no i ka hauoli ka pii ana me keia mau ano makaukau kaulio ole. He lahilahi wale no ko lakou mau aahu o ka pii ana oiai nae he wahi anu maoli no ke kiekiena o Haleakala,. a pela no ka hauoli ana a hiki wale i ka piko a pela no hoi ka hoi ana mai a hoomaha i 01inda kahi o kekahi luau i hoomakaukauia na lakou. Ma ka Poaono e hele ai kekahi mau malihini no Keanae a malaila aku e kau ai maluna o ka nioku ke hoea aku oia i ke ahiahi. ! Ma ia la hookahi no, ike awakea 110 nae, e malamaia ai he luau Hlawaii nui ka hana hope hoi a ko Maui poe e hoohauoli ai i na malihini mamua o ko lakou kaawale ana, a i ka wa e pau ai ia hana e kau ai lakou maluna o na kaa a holo aku no Maalaea no ka mokupuni e Hawaii.