Ka Nupepa Kuokoa, Volume XLII, Number 21, 24 May 1907 — HOOKIEKIEIA KE KAUWA HANA PONO. [ARTICLE]

HOOKIEKIEIA KE KAUWA HANA PONO.

Ma o ka hakahaka ana o ke kulana Kakiana o kekahi o o na puali kumau o ka Oihana Makai, ma o ka hoopauia ana aku o Kakiana Kanae mai kona kulana aku, ua wae mai la k£ Makai Nui Kalana laukea ia M..L. Needham, kekahi o naMnaka i noho loihi iloko o ka oihana nlakai, a hookiekie ae la iaia ma ke kulana i hoohakahakaia iho e Kakiana Kanae. He manawa toihi ko Mr. Needham! i lawelawe ai i ka oihana makai, a ua loaa no hoi iaia he moolelp maikai oiai oia e paa ana ia liana, a mamuli wale no o ia moolelo maikai-ona i hookiekieia ae ai oia>ma kela kulana ano nui. He aoao kalaiaina Repubalika ko Mr. Needham, a mai ka manawa mai no e noho Makai Nui ana o Mr. Balaunu, kona manawa o ke komo ana ma ia oihana a hiki wale mai nei no i ka wa i kau ae nei o laukea ma ke kulana alakai no Makai. He makai keia i kamaaina nuiia e. ko Honolulu nei poe, a ua ike pu ia no hoi kona noho malie me ke kamailio nui ole. Iloko iho nei o ka manawa hakoko kalaiaina aole e'loheia ana kona hooikaika ana a hoike maoli ana ae i kona manao-,.a hana paha no ke kokua ana i kona haku mua, ka mea e noho poo ana no ka Oihana Makai ia manawa.