Ka Nupepa Kuokoa, Volume XLII, Number 21, 24 May 1907 — KA LA NUI O NA KAMEHAMEHA. [ARTICLE]

KA LA NUI O NA KAMEHAMEHA.

Ua piha loa makou i ka hauoli ma ka ike ana iho i na nianao o ke Komite iaia ka mana o ka hoonee ana i ka makemake nui i kukulu ia no ke kono ana aku ia Rev. W. B. 01eson, ke kumu-poo mua loa o ke Kula o na Keikikane Nunui e hele mai i Hawaii nel a hookahi hauoli like ana ma ka la 19 o Dekemaba, ka la hanau 0 Pauahi Alii, ka mea nana i hookumu i na kula Kamehameha e ku mai nei. Ma ko makou aoao. aole makou i ike i na kumu e hana oleia ai ia hana maikai a oiai no hoi he nui na hoaloha ame na makamaka o n% Kamehanipha apuni ka Paeain ua manao makou aole e nele ko lakōu komo pu mai a hookahi ka hauoli like ana. Ke olelo nei makou ma keia mea, ina e hooko ponoia ana keia kumuhana e hoolalaia nei alaila o keia iho la ka mua i hanaia e kekahi kula oloko nei o ka Paeaina, a he haawina pookela loa hoi ia a na Kamehameha i kukulu ai. a aole o makou kanalua o ka lilo aku o ia haawina i kūmu hoohalike no na kula kuokoa e ae e hana ai ke ikeia ke kupono o ka hana ana pela, He mea no hoi ia e hoihoi mai ai i ke aloha o ka noho ana iloko o na haumana i poina paha i ko lakou pili i ko lakou kula, kahi o lakou 1 hoonaauaoia ai, alail3, na ia aloha no e hoopili hou mai ia lakou apau malalo o ke kaupoku hookahi, me he mea la, eia no lakou ke noho nei Hoko o ke kula. A ke manao nei makou. o ka paa ana o ke aloha iloko o na haumana o ke kula. ka poe hoi i hemo aku, he mea ia e hoike ae ai i ke ola oke kula ao ka waiwai no hoi ia ma ka aoao oua kula nei, Ke makemake nei makou e hoohaili i keia haawina a na Kamehameha c hana nei e kau aku maluna ona kula e ae. Me ka manaolana e holomua aku na hoohana ana.