Ka Nupepa Kuokoa, Volume XLII, Number 20, 17 May 1907 — KANAKOLU LA HOOPAAHAO KO PARKER HOOPAI [ARTICLE]

KANAKOLU LA HOOPAAHAO KO PARKER HOOPAI

Ma ka manawa i noho ai o ka Aha Kaapuni a Lunakanawai Kaapuni De Bolt ma kona wahi mau i ka Poaha o ka pule i hala ua hooloheia no ka liihia hoeha oE. Parker i ku-eia eka Teritori o Hawaii. Ia manawa hookahi no aia na kiure no ua hihia la e hoolohe ana i ke kahua o ka hoopii a ke Aupuni. A o ka hua oia hana oia no ke kau ana ia o ka ahewa maluna o ka mea i hoopiiia a hookauia aku la ka hoopa'i no kanakolu la ma ka hana oolea. H£ umi-kumamalima wale no ia mau minute o ka noho ana o ke kiure no ka noonoo ana i ka hihia mamua o ka puka ana o ka lakou olelo hooholo e hookau ana i ka ahewa maluna o ke kanaka, a i ka wa i waihoia mai ai imua o ka Aha oia no ka wa i haawiia aku ai ka hoo« pa'i i oleloia ae nei, ke kumu o Mr. Parker e noho mai nei iloko o Kawa. Ma ka nana aku ua olioli no ka mea i hoopiiia mamuli paha o kona ike ana i ka mama maoli ana o ka hoopa'i i kauia aku maluna ona. Ma ke ahiahi oka la 11 o lanuari ua hoeha aku keia Parkcr maluna o Mr. Herbert Hutchins he haole oia a ua hoehaia aku me ka pu panapana i piha me na poka, eia nae, aole i hoohanaia ka pu ma ke ki ana aka ua hoohanaia ka pu ma ke ano meaeha e peahi ana i ka enemi. Ua pau pu aku ka mea i komo no ke kokua ana i ke kanaka i hoeha ia.