Ka Nupepa Kuokoa, Volume XLII, Number 20, 17 Mei 1907 — KA MOKUAHI LAWE UKANA HOU O KA HUI AMERIKACANHAWAIIAN. [ARTICLE]

KA MOKUAHI LAWE UKANA HOU O KA HUI AMERIKACANHAWAIIAN.

Mahope koke iho o ka hora 4 o ke kakahiaka o ka Poalima nei i ku mai ai no Honolulu nei ka Mokuahi hou o ka Hui American-Ha-waiian nona ka inoa o Mexican. Aole he nui o ka ukana a keia moku o ka" lawe ana mai nei, 110 keia awa, aka he palaoa; he bia a he waina wale no kana mau ukana ano nui a he mau ukana kakaikahi o kekahi okoa ae. Mamuli o ka loaa ole he mana\ta nona e kali ai 110 ka loaa ana o kona laikini no ka halihali ohua ana, nolaila ua holo wale mai oia me kekahi ohua ole malun£ ona. He mau keena maikai kona no na ohua e noho ai, a me he mea la i keia kelepa ae ana e holo hou mai ai no Honolulu nei, e loaa ana kona laikini lawe ohua, a e piha mai ana no hoi oia i ka ohua. Ua manao ke kapena o ka Mexican e lawe aku i 8,500 tona kopaa mai Honolulu aku nei a i 3500 tona mai ke awa ae o Kahului, alaila haalele iho oia ia Hawaii nei no ka holo loa ana aku no Salina Cruz> a mailaila ae e holo at- ai oia no Kapalakiko ame kekahi mau awa o Kaleponi no ka hoopiha ana i ukana no kana kelepa e holo hou mai ai no Honolulu nei. O Kapena Nicholas o ka Mokuahi Alaskan o keia Hui hookalu no oia ke kapena nana i hookele mai nei i keia mokuahi hou, he kafjferia hoi i kamaaina i na aekai o Hawaii nei oiai oia e noho kapena anā no ka Alaskan. Aole no keia he mokuahi holo, oiai he 12 no mile kona holo i ka hora hookahi, aka ma kona mau ano nae apau, ua kupono.oia no ka halihali ohua ana a no ka halihali ukana ana no hoi.