Ka Nupepa Kuokoa, Volume XLII, Number 20, 17 Mei 1907 — MAHALO NUIIA KE KEIKIALII KALANIANAOLE. [ARTICLE]

MAHALO NUIIA KE KEIKIALII KALANIANAOLE.

Ma ka huakai a na hoa hanohano o ka Ahaolelo Nui i hele aku nei •i Kauai ua haawi ae o Lunamakaainana Hamilton o ka Hale o na Lunamakaainana o ka Ahaolelo Nui o Amenka i kona mahalo nui i ka Elele Lahui o Hawaii Teritori, ke Keikialii J. K. Kalanianaole ma ka aha hoohauoli i malamaia mamua o ka aha hulahula. Ma ka hoomaka ana i na hoa i kipa aku ai ua haawi mai o Hon. Rice o Kauai i na olelo o ka hookipa ohaoha i na malihini ma ka olelo makuahine oia hoi ka olelo Hawaii a unuhiia e Hon. W. O. Kamika ma ka olelo haole i lohe mai ai na malihini. ' , Ama ka aoao ona malihini ua haawi aku o Kenerala Keifer ina hoomaikai no na lokomaikai i panaiia mai e ko Lihue poe, a i ka nana aku aia ke kalele nui o na olelo a ke Kenerala maluna o ka u'i ame ka nani ame ka lokomaikai o na lede o Kauai. Alaila, ua akoakoa ae la na mea apau no ka paina luau a mahope o ia i malamaia ai ka aha hulahula iloko o Lihue Hale kahi hoi i haawi ai o Mr. Joseph Pii, kekahi haumana o ke Kula o Kamehameha, he •mau olelo no ka hookipa ana mai ia lakou a na lakou no hoi ka papahoohauolj o ia po, mai na lede opio a na keonimana opio, a ua imaikai ka hoohauoli ana no ka mea, ua nui loa ka makahehi o na ma'lihini hanohano, ma ka haawi ana aku o Lunamakaainana Fitzgerald no lakou malihini i na olelo e apo ana i na lokomaikai i panaiia mai me ka hoike pu ana aku i ka lilo io o ko Kauai poe i mau hoaloha no lakou apau. A ma keia manawa i ku ae ai o Lunamakaainana Hamikon ke alakai nui hoi a kono aku la i ke Keikialii Kalanianaole e ha'iolelo. A

maloko oia noi ana i wehewehe ai ka lunamakaainana o ka Ahaolelo Nui o Amerika no ke Keikialii, e i ana, he Elele oia a lakou i hauoli | mau ai i ke kapa ana aku he hoaloha no lakou no ka mea hoi e ku ana )oia no Hawaii me ka oiaio ame ka 'hanohano, ana i manaoio ai i ka loaa o ke kumu kupono i na Hawaii apau e haaheo ai. Ma ka manawa i haawi mai ai ke Keikialii i kona mau manao ua Ipaipai nui oia i na hoa Hawaii e hoomaopopo i ke ko'iko'i maoli o ka |loaa ani he manawa no Hawaii nei o ka hui pu ana me na kanaka ko ijko'i o ka Ahaolelo Nui, a he hanohano nui hoi ia i loaa a i kau iho maluna o na Hawaii. Mawaho ae o na olelo a ke Keikialii ua ha iia mai no he niau olelo hoolana mai kekahi poe mai i ha'iolelo, a o kekahi iloko o ia' huina oia no o Lunamakaainana Rice o ka Ahaolelo Teritori o Hawaii ame Kakauolelo Atkinson o ka Teritori.