Ka Nupepa Kuokoa, Volume XLII, Number 20, 17 Mei 1907 — KAA KE EO O KA PAANI KINIPOPO O NA KULA IA PUNAHOU. [ARTICLE]

KAA KE EO O KA PAANI KINIPOPO O NA KULA IA PUNAHOU.

Ma ka Poakahi nei i ulele hou ae ai na hui kinipopo o na kula Kamehameha ame Punahou ma ka hookuku kinipopo ana ma ke kahua 0 ,Punahou, a o keia no hoi kekahi la kanaka nui i ikeia maloko o kekahi paani i malamaia mawaena o na kula. Ua hiki pu ae na hoa o ka Ahaolelo Makua ame ka lakou mau wahine no ka makaikai ana i keia le'ale'a. O na keiki paani o ka 'hui Kamehameha he mau keiki wale no lakou, noloko o ke kula, a o ko Punahou hoi, he eha ona mau keiki e paani nei me ka hui nui o keia kikina paani. O keia ke kolu o ka manawa o ka hookuku ana o keia mau keiki kula, a o keia no hoi ka aha'i ana o Punahou i ka lanakila, Ua loaa ia Punahou na holo he eha i ko lakou komo mua ana, a i ke komo eono ana loaa hou he ekolu holo a hookahi i ke komo ewalu ana, huiia ko lakou huina holo, he ewalu. Mai ke komo ekahi ana no hoi a hiki i ke komo ekolu ana, akahi no a loaa ia KameHaiweha he hookalii holo, a mailaila aku ke kali aia a Kiki i ke komo eiwa ana loaa hou he eha mau holo, a huiia ka nui o ka lakou mau holo i ka elima, a lilo ae la ka eo ia Punahou. Ua kaa ka makahehi o ke anaina i na keiki o ka hui Kamehameha, a ina aole na keiki o ka hui Punahou e paani nei ma ke kau kinipopo e komo pu mai me na keiki kula o Punahou, ina, ua kaa ke eo ia Rameh'ameha.