Ka Nupepa Kuokoa, Volume XLII, Number 20, 17 May 1907 — HOOKIPA OHAOHAIA O KENERALA KUROKI. [ARTICLE]

HOOKIPA OHAOHAIA O KENERALA KUROKI.

SEATTLE, Mei 2.—Ua hoea mai nei ia nei, i keia auwina la ma ka hora 3130 o Kenerala Kuroki ame kekahi mau luna aupuni o lapana ma ka lakou huakai i ke*kahua hoikeike o Jamesto\vn mahope iho hoi o ko lakoū kakali ana no kekahi mau hora ma Puget Sound mamuli o *fca paa i ka ohu. Ua loaa aku ia lakou na hookipa ohaoha ana mai na makaainana Kepani kuloko aku a mai na kanaka Amerika no hoi. Ua piha na uwapo ame na alanui i na kanaka, oiai ua mau malihini la e holo ana maluna o na kaa otomobile. n • • Ma keia po a hiki i ka la apopo, e lilo ana ke Kenerala i mahhini hanohano na ke kulanakauhale nei. I keia auwina la iho nei, ua lawe heleia aku lakou ma na wahi hele mauia i ka makaikai apuni ke kulanakauhale maluna o na kaa otomobile. Ma keia ajiiahi e haawiia ai kekahi aha hoolauna ma ka Rainier Club, a e hiki mai ana ke Kiaaina Albert E. Mead ame kekahi poe lawelawe oihana no ka ike ana i ka malihini. Ua hele na Kepani o ka aina nei a piha hauoli no ko lakou nei hoea ana mai nei. Ua pau na halekuai ike paniia ma nehinei, aua hele aku he mau haneri Kepani <e hoike i ko lakou aloha iaia, i hoea mai ai ma ka Aki Maru. Ua hooleleia na ahi kao ame na mea hoopa-hu ma ke kaikuono Elliott a i na malihini i lele mai ai no ka uwapo, ua haawi aku la na Kepani kamaaina i na leo hooho huro o ka hauoli. Oiai ua Kenerala la e kau ana maluna o kona kaa ua hoopunna oia e hookahi hanen kaikamahine me ke mele ana i ke mele lahui o lapana oiai hoi na kamalii kula e hoolei mai ana i na pua iloko o ke kaa, a ua hele ke kaa a ohuohu i na pua. . I ke Kenerala malihini e haalele iho ai ia Seattle nei 110 Wakinekona e ukali pu aku ana na luna o ke aupuni, oia hoi o Kenerala Artluir MacArthur, Konela John M. Chamberlain, Konela Frank Winn ame Mekia W. W. Hart. Ma ka hora 7x40 oke kakahiaka okf la apopo e haalele iho ai ka huakai 110 ka Hikina.