Ka Nupepa Kuokoa, Volume XLII, Number 20, 17 May 1907 — PUHIIA HE MOKUAHI PELEKANE E KA MAKANI. [ARTICLE]

PUHIIA HE MOKUAHI PELEKANE E KA MAKANI.

Oall, Mei 4 —Ma nehinei i ku mai ai ka mokuahi Pelekane Hyndford, Kapena Horn, me na hiohiona o ka pilihua maluna o na mea apau ©luna o kona oneki, aka ina nae e pau ana ke puhi kukaepeleia ana, alaila e hauoli ana lakou no ka ike hou ana i ke ao aina. Ua haalele aku ka mokuahi Hyndford ia Eahia, Blanca, ma ka la 3 o Sepatemaba o ka mahina aku nei i hala, me ka piha ukana no na aekai o Amerika Hema. Ua holopono ka huakai a keia mokuahi iloko o na la mua ma ka launa ana 'me na awa o ke ko-wa o Magelana, a ma ka po o ka la 10 O Sepatemaba, ua pa mai la kekahi makani ma ke kukulu Akau mai, e ulupa ana i ka moku i o a ia nei, a o ka hopena i loaa mai oia no ka pau loa ana o na lala eha o ka epaepa i ka hakihaki, a waiho iho la i ua mokuahi la malalo o ka lokomaikai o ka makani, me kahi pe'a uuku nana e kokua i kona nee ana imua. Ma ka hoomaopopo ana i ke kulana o ka moku ma kekahi kakahiaka, ae, ua ikeia, aia oia ma kahi o 40 mile ka mamao ma ke komohana aku o Lae Pila. Ua hooholo iho la ke kapena e hoouna aku i waapa i Punta Arenas, no ke kii ana i mau kokua. Ua hoike mai na kanaka apau i ko lakou manao e mauna ia lakou iho no ka hooko ana i keia kauoha, aka, ua koho aku ke Kapena i ka malamamoku ame eha mau luina rfo ka holo ana ma keia huakai maluna oka waapa. Ua hoolakoia ka waapa i na mea ai kupono, a me ka hana nui no hoi ka hookuuia ana iloko o ke kai, oiai e mau ana no ka ino iloko o ia manawa. Mai ia manawa mai a lakou i holo aku ai, a hiki i keia manawa, aole he mea i lohe houia mai no lakou, a ua manaoia, ua kahuli ko lakou waapa iloko o ia ino, ma kahi kokoke i Lae Pila. Iloko o keia mau la o ka mokuahi e lana hele nei, ua weheia ke« kahi mau ope kapolena no kā humu ana i pe'a, a he mau la loihi okoa hoi ia oka hana ana. Ma ka la 140 Sepatemaba, ua ikeia aku la na mokupuni o Nove. Ua nui ko lakou maka'u o ili ka moku iluna oka puu pohaku, aka nae, mamuli o ke kokua ana a kekahi makani aheahe e pa mai ana ma ko lakou nei mau pe'a, ua hoopakeleia ae la ka moku, mai ia poino mai. Ma ka la 17 mai, ua ikeia aku la ka puupohaku o Ildefonso, a mahope koke iho o ko lakou ike ana, i ua puu pohaku la, ua halii iho la ka ohu. Ma ia po holookoa, e loheia ana ke po'i ana ana nalu, ma na aoao o ka moku, a i ke ao ana ae, ua ikeia ae la, ke komo ana o ka moku mawaena o kekahi o na puu pohaku, kahi hoi a kekahi kapena noonoo maikai, e aa ole ai e hookele aku i kona moku malaila. Mai keia wahi aku ka lana hele ana aku o ka moku me ka laweia ana e ke au, no Lae Hao, me ke kaalo pono ana ae ma ka akau o na mokApuni Diego Ramirez, a e paialewaia ana hoi ka moku i kela manawa ma ke kukulu hema. I ka manawa, he 70 mile o ka moku ma ka akau aku o Lae Hao, ua ikeia aku la ka moku Kepani Emille, a nana i hoike aku i na mea e pili ana i ka moku poino, iaia i komo aku ai ma na mokupuni Falkland, aole nae he mau kokua i hoounaia mai. Ma ka la 7o ka mahina oOkatoba, ua puhiia aku la ka moku poino he 80 mile mai Port Stanl/y mai ,a ma keia wahi i hookuuia ai kona heleuma. . Ua hiki mai la ka moku kolo Samson a kolo aku la i ka Hyndford noloko o ke awa ma ka la 12 o Okatoba, mahope iho hoi o ka paialewaia ana mai ka moana Pakipika mai a i ka Akelanika, 1 puka lanakila mai hoi mailoko mai o kekahi mau puko'a ku i ka pilikia o ka moana.