Ka Nupepa Kuokoa, Volume XLII, Number 20, 17 May 1907 — LILO I NA HUI ST. LOUIS AME PUNAHOU KE EO O KA PAANI KINIPOPO. [ARTICLE]

LILO I NA HUI ST. LOUIS AME PUNAHOU KE EO O KA PAANI KINIPOPO.

Ma ka Poaono i hala aku la i weheia ai ke kau kinipopo o keia makahiki mawaena o na Hui Kinipopo, St. Louis, Kamehameha, Punahou ame Diamond Heael. Ua lehau ke kahua kinipopo o Kamoiliilii \,.)ca poe makaikai no ke ake ana e ike i ke kulana o keia maik.hui kae'ae'a ma keia hana hooikaika kino. Ilaila pu ae ka Bana Lahui kahi i puhi ai ika lakou mau ohe. O na hui mua na laua i wehe ke kahua paani, oia no na hui St. Loui.\ame Kamehameha. Oka hui St. Louis, oia no ka hui Honolulu, nana i aha'i mau i ka inoa inoho ma keia hana o ke kinipopo iloko o kekahi mau makahiki i hala ae nei, a i keia makahiki o ko lakou inoa \vale no i loli ae, a o ka hapanui o kona mau keiki paani, o& no na keiki mua o ka Honolulu. Ma na mea i manao muaia e kaa ana i ka Hjii Kamehameha ka lanakila o keia hookuku ana, oiai ua hala aku la no o B. Joy ka nou popo o ka Honolulu, ka mea i kau nuiia ai o ka weli, a i kau nuiia aku ai no hoi o ka manaolana no ka loaa mau o ka lanakila i kona hui. Ua kuhihewa loa nae ia manao anā pela, oiai, aia kekahi mau keiki kupono e ae na lakou e pani i kona makalua, aole nae i like aku ka ikaika me kona, aka ua hiki no nae ke hoopuhili aku i na keiki o kekahi hui okoa aku. He maikai no ke kulana o na hui a elua ma' ko laua mau kulana, aka 'nae ua hiki no i ka poe i kamaaina i keia hana o ke kinipopo ke ike aku i ke paewa o kekahi hui mai kekahi mai, ia laua e hoomaamaa mai ana. Ma ka hora ekahi me ka hapa o ka auwina la i kani mai ai ka hoailona no ka ulele ana o na hui paani, a ua kaa i ka Hui St. Louis ka lawe mua ana ike kulana hili. Aole no i ano eae keia mau keiki mai ko lakou kulana hili mai o na wa i hala ae, oiai i kela ame keia manawa a ka popo a Rueter e nou mai ai me ka ikaika, e loaa mau aku ana ia i ka hiliia a ma ka loaa ana o na hemahema ma ka aoao o na keiki o ka hui Kamehameha, e haawi mau aku ana ia i manawa no na keiki o ke St. Louis e loaa ai o ka holo. Ma keia komo mua ana o ka St. Louis ua loaa ia lakou na holo he ekolu. Ia Kamehameha hoi i komo mai ai, ua loaa ia lakou he oie ka mea i kapaia he hua kaka. Ua hoao ka St. Louis e loaa mau ka hua kaka a hiki i ka pau ana o na komo ana eiwa, a mai hookoia no paha ia manao o lakou, aka ma ka ulia laki, ua loaa aku la he hookahi holo i ke Kamehameha i ke k'omo eono ana, a o kahi holo hookahi no hoi ia i loaa ia lakou a hiki wale i ka pau ana o ka lakou mau komo ana eiwa, a he ehiku hoi liolo a ko lakou hoa paonioni. Mahope koke iho o ka lilo ana o ke eo o keia paani ana i ka Hui St. Louis, ua oili mai la na Hui Diamond Head ame Punahou iloko o ko lakou mau lole kinipopo. O ka poe paani o keia mau hui, ua awiliwili mai ka poe mai o kekahi ona hui i paani ai ike kau i hala. Oiai he kulana ikaika ko Punahou m'a ko lakou mau keiki la, ua koho mua aku no ke anaina e loaa ana iia lakou ka lanakila ma keia paani, a he mea oiaio, ua pololei no ia koho ana aku a ka lehulehu, no ka mea ua loaa ia lakou na holo he elima, a he hookahi wale no hoi a ke Diamond Head. Ua like no a like ke kulana o keia mau hui i ka nana aku ma ke ano o ka paani ana o ko laua mau keiki, aka o kahi wale no i oi aku ai o Punaliou ma o ka loaa ana iaia o ka noupopo kupono, a nele hoi ke Diamond Head, a ina paha he noupopo ikaika ko ke Diamond Head, ina ua kanalua o!e ka olelo ana ae na lakou ka lanakila o ia paani ana. Ua piha hauoli no nae ka poe apau i hiki aku e makaikai i ka paani ana o keia mau hui, a ma keia Poaono iho o na Hui Kamehameha ame ke Diamond Head, ke ulele mua ana ma ke kahua paani, a o ka St. Louis aku me Punahou ma ka panina o na le'ale'a o ia la, a ke upuia aku nei no hoi e piha hou ae ana ua kahua la i ka poe puni lealea.