Ka Nupepa Kuokoa, Volume XLII, Number 19, 10 Mei 1907 — LEDE ANOLA Ka U'i Hookalakupua Nana i Hoehaeha aku i na Puuwai Elua A I OLE Ka U'i i Molia laia Iho Iloko o ka Haawina Laahia o ka Mare ma ke Ka'e o ka Moe Make, AOLE MA KE KUAHU. [ARTICLE]

LEDE ANOLA Ka U'i Hookalakupua Nana i Hoehaeha aku i na Puuwai Elua A I OLE Ka U'i i Molia laia Iho Iloko o ka Haawina Laahia o ka Mare ma ke Ka'e o ka Moe Make, AOLE MA KE KUAHU.

MOKUNA 111. KE KIHENE PUA. L'a komo pu iho la na hoomanao ana iloko o ka makuahine he mea keia e hoopoino mai ana i na noonoo ana a ke kaikamahine ia Roe, a paulele aku hoi mahope o hou, a mahope o ka laua mau kuka kamailio ana, ua lawe aku la o Dot i keia kihene pua a Mr. Fonatana i hoouna mai ai no kona rumi ponoi he hana hoi ana i hana ole ai mamua, a o ke kihene pua a Roe i hoouna mai ai, lia waiho iho la no , ►ia ia mea maluna o ke pakaukau o ka rumi aina. Noonoo iho la ka makuahine e hoea mai ana no ka la e pa mai ana ka makani o Kona a ike ia na mea huna i hanaia. MOKUNA IV. 1 KA MALIHINI KUPAIANAHA. ) Elua a ekolu ahiahi mahope o ka malama ia ana o kela aha hoolaulea ma ka honie o Mrs. Etapuruka ua hoea ae la mawaho o ka ipuka 0 ka home o Lunakanawai Anola o Mr. Fonatana, a hoolaunaia ia Mr. Anola ame Mrs. Anola, a mamuli o kana mau hana akamai iloko o ka lakou matv kukaolelo ana ua hooholo iho la no o Mr. ame Mrs. Anola "he keonimana maikai no keia." Me ka hana maalea ua haawi pau aku la keia kanaka malihini i kana mau hoolohe ana i na olelo apau a Mr. ame Mrs. Anola oiai ia manawa hookahi no e hae ana kona puuwai i ka u'i nohea opio e noho mai ana imua o kona alo, kona mau maka eleele hoi e kilohi mau ana maluna o kona oiwi kino maikai. Mahope o ko lakou ike ana a makaukau hoi ke keonimana malihini e huli hoi aku ua haawi aku la oia i kona lima akau i ke kaikamahine opio ma ke ano aloha a no kekahi mau minute loihi kona puliki ana i kela mau lima palupalu me kona maopopo ole ke hana nei oia pela. "E oluolu ia anei ina au e hele hou mai ana?" wahi ana i ninau atcu ai ia Dot me ka leo nahenahe. "He hauoli loa makou i ka hookipa ana i ko makou mau hoalolia iloko o ka home nei," wahi a Dot i pane aku ai me ka ula o kona papalina i ka ua mea o ka pihoihoi i ka hana a ke aloha. "E hauoli no wau ina owau kekahi iwaena oia mau hoaloha, wahi a Fonatana i pane.aku ai, a oiai oia i kela manawa e nana pono mai ana imua o Miss Dot ua pii koke ae la ka maeele iloko ona a ma ka j hooniaopopo iho aia kekahi mea kupaianaha iloko o ka maka o keia keonimana malihini. Ua haalele aku la oia i ka hale o Miss Dot me kona puuwai e hauoli ana no ka holomua o kana papahana no ka manawa mua loa, me ka manao paa aole e loihi na la e hei ana no ia i kana upena. Mala ae la ka hapalua hora ua komo aku la o Roe iloko o ka hale a loaa aku la o Miss Dot e noho hookahi ana maloko o ka rumi hookipa. "Ke ano kunahihi mai nei kou mau helehelena e Dori (o kekahi 110 keia o kona inoa) ; aole anei i lawa pono kou hianioe ana i ka po nei mahope iho o ka malama ia ana o kela anaina hoolaulea?" wahi ana i ninau aku ai me ka hakilo ana i kona helehelena. "Aole au i kaea loa, aka aole au i maikai loa i keia po," wahi a ke kaikamahine i pane aku ai me ka manao aole hoi e hiki mai ana oia ilaila i kela po, a hookuu hookahi hoi iaia e noonoo i kana mea e noonoo ana. "Ua makemake no hoi au e hele mai i ke ahiahi nei," wahi a Roe i hoomau aku ai; "aka mahope iho o ko makou inu ti ana ua nui mai na poe kipa i ka home a no ia kumu hiki ole mai ai a hiki iho la i keia manawa." Aole o Dot i pane aku i keia mau olelo a Mr. Roe, aka o kona puuwai i kela manawa e mahalo ana no ka hele koke ole ana mai o Mr. Roe ina ua loaa pono laua me Mr. Fonatana, a i ole hoi hoomaopopo niai ua hele mai ke kanaka malihini ana i maka'u loa ai e hoao ana t iiana lapuwale maluna o kana w'i, a nolaila aole oia i hoike aku ia Roe 1 kekahi mea e pili ana i ke kanaka malihini. "Ke maka'u nei au, e kuu aloha, aole ou maikai loa a no ke kuniu ke lioike mai nei kou helehelena e like me ia," wahi a Roe i kamailio aku ai ia Dot mahope o kekahi noho mumule ana a laua. Ua lele ino ae la o Dot mamuli o keia mau olelo a Roe. Ua noonoo nui loa o Dot i ka malihini kupaianaha i kipa mai i kvla la a mamuli o kona noonoo nui maluna o keia mea aole oia i manao aia o Roe e noho pu ana me ia i kela manawa. "Aole o'u ano e loa i keia la, īiie ka mahalo," wahi a Dot i pane aku ai, "aka ke manao mai nei palia oe ia'u he hupo mamuli o ko u ekemu ole." "Owai na poe i kipa aku nei e ike ia oe,' wahi a Dot i ninau aku ai me ka hoomaha ole. "( ) Mr. Roe, Kapina ame Wahiepaakiki; a ina aole oe i kaea loa IM. alaila e haele kaua i ka rumi a paani maluna o ka piano, e hoomaamaa hoi i ka himeni hou a'u i lawe mai nei." l'a ku ae'la o Dot a hooko aku la i ke noi a Mr. Roe, i mea hoi.e pale loa aku ai i na hooninaninau olalau mai a Roe iaia nei ame ke kilo niai o kona mau maka nunui. Ua maopopo loa iho la ia Mr. Roe i keia manawa aia no kekahi niea ano e e hana mao ole ana iloko o ka puuwai o ke kaikamahine u'i «>pio oiai akahi wale no oia a paani hewa maluna o ka piano aole hoi mai kinohi mai, oiai he palapala himeni hiki wale no ke paani ia. Ua hoomanawanui aku o Roe malalo o keia mau mea apau ana e iko a e hoomaopopo nei, a mahope o ka pau ana o ka laua paani ana, ua noho iho la o Roe ma ka aoao o Mr. Dot a hoomaka Iho la laua e hoao e himeni like i kekahi himeni hou loa ana i lawe mai ai; aka hooniaopopo loa iho la keia aol£ i biki iaia ke himeni a no keia kumu ua papani iho la o Roe i ka buke, a ku ae la iluna. "Ua maopopo ia'u i keia manawa ua kaea oe, e Dot, a e hoi ana au i kauhale i hiki ai ia oe ke hoi aku a hooluolu," wahi a Roe 1 kamailio aku ai, me ka rola ana i ka palapala himeni me ka manao e hookonio iloko o kona kuka. . . , . "Aole no au e kahaha ana mamuli o kou haalele ana mai la u 1 'eia aliiahi a no ke kumu ua ano maikai ole ko'u kulana i keia po, i pane aku ai o Dot me kekahi leo akaaka, oiai no nae iloko ona e haunaele ana kona puuwai me ke kanaka malihini kupaianaha. "Ke manaoio anei oe ua maikai no oe, e kuu aloha? Aole mki ia'u ke auamo i kekahi mau mea nou ina he mau hana kekahi i hanaia, wahi a Roe i kamailio aku ai. me ka mohala ana aku o kona mau hma, paa aku la i ka puhaka o Dot a hoopili mai la imua o kona umauma. Ua kulou iho o Roe ilalo no ka muki honi ana aku maluna o ka papalina nohea o ka u'i e nana ae ana iaia, aka ua palulu koke ae la oia ' kona mau lima, a pahemo aku la mahope o ke kua o Roe. "E Roe Davenapoka, ke hana mai nei oe i na hana maluna o u me 'ie mea la he pepe au, aka ke makemake nei au e hoike aku īa oe, he leile opio wau i keia manawa," wahi a ka u'i opio i pane aku ai me ka leo kikoi, a hoomaopopo aku la keia i kona piha inaina mamuli o ka

pii o ka ula ma kona papalina. 'Aka hoi," wahi a Dot i hoomau aku ai me ka haawi ole ana i manawa kupono no Roe e pane aku ai, "pehea kou manao i kela kiina wawae palanehe o ka mazuka? Aole i loaa pono ia'u kela keehina wawae mai kinohi lilo loa mai a hiki i kela po aha hoolaulea nui i malamaia ai ma ka home o Mr. Etapuruka," a lelele palanehe aku la o Dot i kela manawa me ka himeni ana ae i kekahi leo himeni o kona mau kapuai wawae hoi e kapalili ana maluna o ka papahele. Ma keia e maopopo ai aole o Dot i kaea aole hoi i maluhiluhi a no keia kumu ua kilo pono aku la o Roe i kona ano ame kona kulana. O kela leo himeni ana i himeni ae ai me kona wawae e nee palanehe ana maluna o ka papahele, kona helehelena e haiamuia ana e ka i u'i ame ka minoaka, na keia mau mea i hoike mai ia Roe ua kokoke io no e pa mai ka makani o Kona a hoike ia ae ka mea huna i ke akea. "Aole oia i hulahula aku i kela po koe wale no me kela keonimana hookalakupua oia hoi o Mr. Fonatana," wahi ana i hoomanao ae ai; "a oia paha ke kumu i loaa pono ai o ke kiina wawae hou iaia. O keia iho la anei ke kumu nana i hoohamau aku iaia a mumule hoi e like me kekahi kii pohaku?" Komo ihu la ka hoomanao eehia ana nona a nana pono aku la oia i kona oiwi kino maikai i kela manawa; hoomaopopo koke iho la 110 hoi oia ke ano lilo loa aku nei kana aloha i kekahi mea a no keia kumu ua houhou ia aku kona puuwai i kela manawa e like me kekahi kuikele e houhou ana iloko ona. Mai kela la poina ole mai a Roe i hoike aku ai i kona aloha kumakena iaia ua hoao aku o Dot ma na ano apau e kupale aku i kana mau hiipoi ana ame ka muki ana i kona papalina nohea, wahi no hoi ana i hoike ai i kela la aole loa oia i makemake ia Dot e hoopa mai i kona mau lehelehe i kona mau papalina u'i hookahi wale no o ke aloha hooipopio oiaio. He mea oiaio aole loa o Dot i hoike aku ma kana mau hana ua aloha aku oia ia Roe ma ke ano hooipoipo a mamuli no hoi o keia kumu ua hoehaeha loa ia aku oia i kona hoomanao ana ae i kana mau olelo ikaika imua ona, a ma ka nana aku ua aneane no e hoopau ia kela aloha mawaena o ke kaikunane ame ke kaikuahine. "E hele mai oe i ka la apopo, Roe," wahi a Dot i hoomau aku ai i ke kamailio ana me ka lelele pu ana ae i ka hulahula waltz a ku ana imua ona, "a e haawi aku no au i kekahi o na himeni nani loa i haawi ia mai ia'u. Ke manao mai nei palia oe ua holo ko'u ike hookani pila malalo o ko'u mau kapuai wawae aka aole pela ka oiaio. Aia kekalii mea iloko oonei (kuhi iho la kona mau lima ma kona puuwai) ke hana nei me kana mau liana weliweli a na keia mea e kaualako nei ia'u ma ke ano he kauwakuapaa nana. Ke ike nei au aole i maikai kou helehelena a ke manaolana nei au aole na'u i hoehaeha aku i kou mau nanaina. Nolaila, e Roe, e hoopau i na manao ehaeha a e nana pono mai hoi oe ia'u a e haawi mai oe ia'u i hookahi wahi minoaka wale no i hauoli ai ko'u manao a huli hoi aku kaua. Na'u no e kii i kou papale a huīi hoi aku ka hoi oe no kou liome ina oe e makemake ana," wahi ana i hoopau ae ai me ke komo pu ana aku o kona mau lima a paa 1 kona, nana ae la hoi o Dot i kona mau helehelena a haawi mai la o Roe i*na minoaka ana. Ua alakai aku la o Dot ia Roe a puka iwaho o ka holonui, ame na olelo aloha ua huli hoi aku la o Roe no kona home ponoi, me ka hoike ana no hoi o Dot iaia e hoao ana no Bia e hoomama i kona mau manao i kakahiaka o ka la apopo. Aka ia Roe i huli hoi aku ai ma kona home me na manao like o'.o no hoi e luaiele ana i kona noonoo maikai, ua hoi aku la no hoi o Dot maloko o kona rumi ponoi. laka iho la i kona puka, a haule iho la maluna o kona moe e kumakena ana i ke aloha i ke kanaka malihini hookalakupua. a ina no e ninau ana kekahi mea iaia ke kumu o kona uwe kumakena ana me he mea la aole no paha e hiki ana iaia ke mawehe ae i kona um&uma lahilahi a hoike aku i ka puana a ka moe, ka mea huna i hoopun'anaia ma kela po i malamaia ai o kela aha hoolaulea ma ka home o Mrs. Etapuruka. No kekahi mau minute loihi ka haule makawalu ana o kona mau waimaka e hoopulupe ana i kona mau lihilihi maka, a iloko o keia kulana kaumaha ua haule iho la oia iloko o kekahi hiamoe kuhohonu e inoeuliane ana me ke kanaka malihini hookalakupua o ka Aha Hulahula o Etapuruka, ke kanaka kulana maikai, ke kanaka nana i lawepio aku i kona puuwai ma na ano apau. 0 ko kakou Roe kona hoa pilipaa hoi o na makahiki he nui mai kona mau la pepe mai no, ua poino wale iho oia aole lilo loa oia i haawi akn i kekahi niau hoomanao ana nona, aka, o kona noonoo apau i kela manawa o ka ninipo moeuhane oia no ke kanaka malihini hookalakupua o ke kuluaumoe. MOKUNA V. KA LIKE OLE O NA MANAO PIHOIHOI. 1 kekahi kakahiaka nui oiai no na koloka o ke kehau ame ka hu ihu'i e holopapa ana maluna o leahi kulanakauhale uuku, i ka makani kaulana o ia aina e pa aheahe ana me ka malie e nele ole ai kona apo ia e na poe i hoopilikia ia me keia nohona honua ana, ua liele aku la ka kakou Dot no ke kuai ana i kekahi mau mea ana i makemake ai a ma'mua o kona huli hoi ana i ka home, oiai no hoi ka maluhiluhi e aumeume ana me ia, aia hoi ua komo aku la oia iloko o kekahi hale pena kii nui no ka hoomaha ana iho i kona mau kapuai wawae me ka manaolana hoi e huli hoi i ka home mahope o kekahi mau minute pokole. īaia e noho ana iloko o kekahi noho nui iloko o keia hale pena kii ua ku aku la oia imua o kekahi kii nui i penaia me ke akamai loa e kekahi o na kanaka kaulana ma keia oihana, he kii hoi e holike ana i kekahi ululaau nui me na keiki elua e paani ana. Ua kilohi aku la ka 'kakou Dot maluna o keia kii a iloko o ka manawa pokole iaia e nana ana i keia kii, ua hoomanao koke ae la no oia i ke kanaka papalina maikai o ka mea malihini hookalakupua o ke kuluaumoe. ,r Kē manao nei au aole i nele ka makemake o Miss Anola i keia kii." wahi a kekahi leo i haule iho ai maloko o na kumupepeiao o Miss Anola, ame ka puiwa nui ua huli ae la oia aia hoi e ku mai ana ke kanaka malihini hookalakupua o ke kuluaumōe, kona hoa i hoohialaai ai ma ka po iho mamua. Nolaila he mea makehewa palia ka olelo ae i ko Dot hoopuiwaia ana a 110 ke kumu iaia e nana ana maluna o kela kii o ke kuahiwi me na keiki eliia e paani ana ua hoomanao ae la no oia i ke kanaka ma« lihini, a nawai no hoi e ole ka lelele o ka manao pihoihoi i kona manawa i lohe aku ai i kela oeoe o ke kanaka malihini, ke kanaka hoi a kona uhane e hoomanao mau ana i ka po ame ke ao. Ua minoaka aku la ke kanaka malihini a o aku la i kona lima akau no ke kuikuilima aloha ana, me na manao maalea e hookomo aku ana iloko o ko Dot puuwai aole oia i hoomaopopo mai i kona kulana pihoihoi iloko o kela manawa pokole. laia e o ana i kona lima akau ua maopopo koke iho la no i ke kanaka malihini ma na papalina o Dot, ua uwe kumakena iho o Dot no ka hoomanao ana ae iaia, a me he mea la no hoi ma kekahi olelo ana ae, me he mea la ua maweheia ae ka puuwai o ko kakou Dot e keia kanaka malihini, a loaa aku iloko olaila na huaolelo i kakauia iloko o na leta ulaula o ke ahi "Nou NEI KINO" a keha iho la keia i ka holomua o kana papa hoonohonoho me kona puuwai e hauoli ana a no ke kumu he wahi lihilihi wale no i koe a hooJko ia kona manao lapuwale. E paha'oha'o ana paha na makamaka heluhelu no ka hiki ana ae o ke kanaka malihini malaila i kela manawa aka oiai i ka manawa o Dot i puka aku ai iwaho o ka halekuai me ka manao e huli hoi no kona home, a mamuli no hoi o ka maluhiluhi ua komo aku hoi iloko o ka h.nle pena kii. Aia ma kekahi aoao o keia halekuai e ku ana ke kanaka malihini hookalakupua ame ka hoohewahewa ole ua ike aku la oia ia Dot i ke komo ana iloko o keia hale pena kii, a na keia mea i kono aku

iaia ma na ano apau e hoao hou e uhola i kana upena i hei mai ai ka I'a nui. No kekahi mau pule elua kona ike ole ana ia Dot mai kela po poina ole mai ma ka home o Etapuruka, a oiai ua hele aku oia ma na hale keaka nunui o ke kulanakauhale ame kekahi mau aha hoolaulea e ae me ka manaolana kiekie hoi e pu me ia, aole i hooko ia kela I mau manaolana ona. Aole no oia i makemake e kipa koke aku ma kona home me ka ha- | lawai mua ole ana me ia a kukakuka pu maluna o keia kumuhana i maikai ai ke alahele. Ua hoomaopopo iho no hoi oia aole ia he mau hana maikai o ka hoao ana e hooko i kona makemake ma ke alahele puapuahulu o kilou hewa auanei hoi ka makau, aka aole keia he haiia h« omeamea a hana paani wale no hoi, a no keia kumu aole oia i makennlīe e waiho hou aku no kekahi manawa. I keia minute oiai aol« he kanaka e ae mawaho ae o laua elua «.vle no ua komo iho Ia iloko ona ka hoomanao e hoao aku i kona ike hooRana i ka oihana hooipoipo maluna o ka kakou Dot oiai o ka manawa maikai ih'o la no ia. "Ae, he makemake nui au i na kii pena o keia ano," wahi a Dot i pane aku ai i ka ninau a ke kanaka malihini hookalakupua mahope iho o ka pau ana o kona manao pihoihoi, "a he holo mau au lanei i na nianawa apau e hoikeike ia ana kekahi mau kii pena hou." Kulou iho la o Mr. Fonatana ilalo i ka manawa o Dot i pane aku ai me he mea la e hoopaanaau ana i keia pane % a feot a e kakia ia hoi a paa maloko o kona pahu lunaikehale, no ka manawa e hiki mai ana. "Alaila!" wahi a ke kanaka malihini i hooho ae āi, "ua f?r:e a like no ko kaua manao hookahi, a no ke kumu he aloha no au i ka nana ana i na kii pena nani—na kii maikai loa, aka ia manawa hookahi no— ua oi aku ko'u makahehi ame ko'u hialaai ame ko'u makemake i na kii kalaiia. He mau aina mamao anei kekahi au i kipa aku ai?" "Aole," walii a Dot i pane aku ai. "Aka, o! ka iini nui loa iloko o'u e hele makaikai aku i keia mau walii like ole a no ka mea ua ike no au aia iloko o Europa ka waihona makamae loa o na mea nani like ole, ka momi, ke elaimana, na kiipena, na kii kalaiia, na kii mahala, a pela wale aku." "Ua pololei oe nia kela, a ua hamama keia mau walii like ole apau ia oe i na manawa apau ina oe e hele makaikai ana," wahi a ke kanaka malihini i kamallio aku ai ; a hoomaka aku la oia e hoike piha i ka wailiona waiwai like ole ana i ike ai maloko o ke aupuni nui o Italia( he mau hoopunipuni wale no keia. Aole oia i hele a ike i kekahi mau aupuni), e hoakaka ana nie ke akamai loa i na kii penaia ame na kii kalaiia e ike ia ana ma ka Waihona Kii o Efisi maloko o ke kulanakauhale o Folorena ame ka Palii o Piti, maloko o ka Hplealii Pope o Ronia, maloko o na luakini nunui ame na halealii o Venisa, maloko o ke kulanakauhale o Parisa, ame kekahi mau wahi e ae, oiai e noho ana 0 Dot nia kekahi aoao ua haulehia hoi malalo o na olelo akaniai a ke kanaka malihini. # Ua like o Dot i kela manawa me kekahi kii pohaku i kaua niea o ka J)iha akamai o ke kanaka malihini ma ke kamailio ana, oiai i na manawa aj)au ana e kamailio ana e hoopuka mau ana o Dot i na huaolelo "Auwe ka nani e," a pela wale aku. () ka mea oiaio no nae o keia kanaka malihini aole loa oia i haalele iho i kona aina hanau a hele makaikai aku hoi ma Europa e like me kana e kukanekahe ana imua o Miss Dot, aka he keiki akamai ma kana niau haawina oiai oia e noho haumana kula ana. Ua heluhelu a ua hoopaanaau iho oia i keia mau mea apau e pili ana i na waihona kiipenaia ame na kii kalaiia maloko o na palii like ole o Europa mai Italia mai a lioea loa aku i Parisa, a mamuli no hoi o kona piha makaukau i kela manawa, pela i hiki ai iaia ke hoike mai me ka nahenahe loa i na mea huna e waiho la iloko oia mau halealii, me he mea la ua hiki kino aku oia ilaila aua ikemake no hoi. Ua hele aku no kona ike a hiki i ka wini o ke kiekie loa a he olelo kaena mau nana ina e hele oia ma Europa no ka manawa mua loa, ua hiki iaia ma na ano apau ke kuhi i kona mau manamanalima i na huna like ole o Europa maloko o na liale Waihona Kii ame na Halealii o na aupuni like ole, me ka huke kuhikuhi ole. Aole he mau hoohewahewa ana ke olelo ae he kanaka akamai o Kilibati Fonatana a he mea oiaio no hoi ua pahola aku kona kaulana ma ia oihana apuni ke kulanakauhale. Aka he hookahi mea wale no nana i ke'ake'a mai i kona alahele a he niea hoi nana i hoopoino i kona kulana keonimana a hapala aku i kona inoa maemae me ke kiko eleele e pau ole ai no na kau a kau. Me ke kakaa malie no oka poepoe honua ame ka hooko piha mau ia ana o kona mau makemake ma na ano apau na keia mau mea i hookomo aku iloko o kona lunaikehale ke kaena aila me ka haaheo o ka mea a kona puuwai i hali'a ai aole loa e hiki ke hoonele ia. O keia mau manao he mau manao lapuwale i hoopunanaia maloko ona—aka he nui 110 na kanaka o keia ano i pii aku ko lakou kulana a i ke kulana kiekie loa a i lawe hoi a auamo i na hanohano maluna o ko lakou mau poohiwi, ana lakou hoi keia mau olelo kaena—"E nana mai i ka'u mau mea i hana ai! E nana mai owau, ma o ka'u mau hana hoomanawanui i hana ai, cia~la ka hua o ka 11 mea i hana ai! me ka haawi ole aku i na hoomaikai ana i ke Akua Kiekie Loa ka mea nana 1 haawi mai i keia mau mea apau a lakou e haakei nei, ka Makua oluolu o na mea apau. . A i keia manawa, oiai o Mr. Fonatana e noho ana ma ka aoao o Miss Dot Anola, a e kilo piha arta iaia mailuna a lalo, e hoomaopopo ana i na minoaka ma kona mau papalina nohea ame ke kulana eehia mamuli o kana mau olelo hoakamai, i kona manawa i hoomaopopo aku ai īloko o na maka palupalu o Miss Anola kela hoailona o ka makahehi oiaio e nana pono ana maluna ona, ua komo iho la iloko ona ka manao ana oia ke kuleana maluna o ka oiwi kino maikai 0 ka kakou Dot, a oiai ua hooholo paa kona lunaikehala e hoea mai ana no ka la e lilo ai keia kaikamahine u'i i wahine nana, ua kupee īho la oia a paa iaia malalo o kona sila, a hoopau ae lioi i na manao hopohopo ana nona. . He hora a oi kona noho ana e hoolohe i na olelo hoakamai a ke kanaka malihini hookalakupua me kona maopopo ole ke nee nei ka manawa imua, a na ka leo o ka uwaki ma kela aoao mai o ka halekuai 1 hoike mai iaia nei ua hala ka manawa kupono, a ke kumu hoi nana i hoopuiwa aku iaia a ku ae la oia iluna. "Ke manao nei au aole e maopopo ana ia'u ko mania manao no keia hele naaupo a'u," wahi a Miss Dot i pane aku ai, me ka leo akaaka me ka unuhi pu ana ae i kana uwaki kula liilii no ka nana hoi 1 ka oiaio o ka hoike a ka uwaki nui ma kela aoao, "aka mamuli hoi o kau mau hoike mookuauhau o na waiwai l«ce ole e waiho la ma Italia ame na aupuni e ae, ua piha loa au nie ka eehia nui a me he meā la no hoi ilaila aku la a huli hoi mai la.' "Ke manaolana nei au e kala mai ana no o Mrs. Anola no lawe ana i kou manawa. Ina ia he mea hiki, a aole no hoi au mau olelo hoopaa, e hele aku ana no au i keia ahiahi a noi aku hoi laia no ke kala ana mai ia'u." ' Ua pepelu ae la oia i kona mau lehelehe i keia manawa, aka o kona mau maka popoki e hoike maopopo ana no ia ia Miss Anola ua makemake oia e kaohi hou mai iaia nei no kekahi hora hou aku. < "Aole a'u mau olelo paa a aole no hoi o na ano apau, wahi a Miss Dot i pane aku ai, "a ke kanalua ole nei au ke hoike aku e hauoli no o mama ke ike ia oe." .... . . „ w "A o oe, aole anei au wahi okoa e hele aku ai 1 keia ahiahi. wahi ana i ninau aku ai, me ke kulou ana aku imua o kona alo me ka manao e hoopa aku i kona mau lehelehe maluna o kela mau papahna u 1 hua ole i like aku no hoi me ka nani o ka mahina. Va huli irto aē la o Dot i keia manawa me ka huhli ana o kona maka maluna o Mr. Kilibati Fonatana no keia ninau kikoi i waihoia mai imua ona. (Aole i pau).