Ka Nupepa Kuokoa, Volume XLII, Number 19, 10 Mei 1907 — LOHEIA KO KUPA MANAO NO KE KULA MAHI. [ARTICLE]

LOHEIA KO KUPA MANAO NO KE KULA MAHI.

"O ka manao ana no ka hoolilo ana i ke Kula Mahi no ka lawe mai i na hanalima ma ke ano i kula hanalima iloko olaila hc liema'hema maopopo loa ia," walii a Lunakanawai H. E. Cooper i hoike ae ai i kona manao ma ka Poalima i hala e pili ana i ke kula e manaoia nei e kukulu a na aupuni hoi a elua i komo pu ai ke Aupuni Teritori o Hawaii ame ke Aupuni Repubalika o Amerika Huipuia. O Lunakanawai Cooper kekahi i hookohuia aku e ke Kiaaina mawaho ae o Mr. Walter G. Smith, A. Gartley, Marston Campbcll aine C. F. Eckart he mau komikina hoi 110 ke kula mahi i hooholoia e ka 'Ahaolelo i liala iho nei. Ma ko Kupa manao ua ike oia he nui «a ,mea maikai e ulu mai ana mai keia ano kula mai a he mea hoi e pomaikai ai ke Teritori o Hawaii. "O na haawina maoli o keia kula mahi," walii a Mr. Kupa i hoo;mau aku ai i kana olelo ana, "ua pili no ia ina ike kiekie ae oka mahi ,'ana, e laa ke kanana ana i ka lepo ame ka imi ana i kona momona ka hookahe \v r ai ana anie na mea like. He kula ana keia oke ano like aku me na kula mahi o ka aina makua a o na haumana o keia kula o lakou no na haumana i hemo pono o na kula Kiekie ame Punahou. Ua hoike pu ae no hoi o Mr. Kupa i ka hua nui mai o keia kula ma ka manawa e holopono ai kona mau lawelawe hana ana oia hoi, e hiki mai ana ka manawa e hoolawaia ai na mahiko ame na hana mahi e ae o Hawaii nei me na kanaka makaukau iloko o ka oihana mahi aole mai na aina e mai aka mailoko mai o Hawaii ae no ma o kela kula. A ma ia mahele, e pau ai ka hoouna ana i na kanaka opio o Hawaii iloko o na aina e no ka hoonaauao ana ia lakou. Ua hooholo ae ka Ahaolelo i hala iho la he haawina o f 10,000 no ke kukulu ana i na halekula ame na hale e ae i pili i ka oihana hoonaauao mahi me ka haawina o ?i5,000 no ka uku o na kumukula a o no elua makahiki i hoomaopopoia. Ma ka aoao o ka Federala he haawi mau kana i na Teritori no keia ano hoonaauao he haawina hoi o $25,000 no ka makahiki i mea nae e loaa ai keia mau haawina he mea pono e hooholoia kekahi kanawai kaokoa e ka Ahaolelo Nui mamuli o ka hooholo ana ia o kekahi Olelo Hooholo mai ka Loio Aupuni Xui mai e pili ana i ka hookupono wale ana ia no o keia ano haawina dala no na kula mahi i kukuluia mamua aku o ka holo ana o ka paku'i i paku'iia aku i ke kanawai o na Kula Mahi Nui. . A oiai he nui na teritori o Amerika i loaa na haawina dala o keia jano pela i loaa ai ka ike e loaa ana no ia Hawaii keia haawina o ka Federala ma kona kulana Teritori.