Ka Nupepa Kuokoa, Volume XLII, Number 19, 10 Mei 1907 — NO KONA APIKI KA MEA O KA UHAIIA ANA. [ARTICLE]

NO KONA APIKI KA MEA O KA UHAIIA ANA.

He la uluao'a ke Sabati i hala aku nei iawena o kekahi auna Pake ma ka auwina la no nae. Ua kahea ae kekahi hui o na Pake i ikeia ma ka inoa Bow Woks ke kunfu o ka malamaia ana he halawai ma ke Alanui ololi o Aala he hapalua hora mahope iho o ka hora awakea no ka noonoo ana i ke kulana ame ke ano o keia hui. Aua maikai no hoi ka nee ana o.ka halawai a liiki wale ika hoea ana mai o Ching 80. He Pake no oia. Aka. no ka lehulehu o ka poe oloko i kupu koke ae na manao hoohuoi no l<eia Ching me ka manao ana ua hiki aku oia ilaila me na manao e hoopilikia fa lakou, nolaila, ua lele mai la lakou a hoomaka iho la e paluku iaia me na puupuu ame na paukulaau pu. Me ka eleu loa i hoao ae ai ua o Mr. Ching e holo i kaawale ai oia mai keia pilikia a hoomaka aku la e holo ma ke Alanui Moi oiai no nae kona poe hoa lahui e uhaiaholo ana mahope ona no ka inanao no e amu aku iaia i na ai ka uluao'a o ko lakou manao nini. Eia nae aole i hookoia pela, no ka mea, ua hoea mai la he ma- ( kai o ko lakou lahui no i ka wa kupono e pakele ai o Ching a nana no hoi i hoike aku i kona mau pilikia. Me ka eleu no hoi i kelepona aku ai ka makai i ke keena i mau limakokua, a emoole noho ana na makai eia nae, i ka hele ia ana aku i' kahi o ka halawai i noho ai aole he poe i koe olaila no ka mea ua pau i ka puhee. ' A i hua no ka luhi o na makai o ka hoohanaia ana, ua lawe loaia aku no o Ching i ka Halewai no ka huli pono ana, a mahope o ka noii pono ana ua maopopo loa aohe he kahua no ka hana, nolaila i hookuuia aku ai oia.