Ka Nupepa Kuokoa, Volume XLII, Number 19, 10 Mei 1907 — Ahaolelo Teritore o Hawaii. [ARTICLE]

Ahaolelo Teritore o Hawaii.

(Koena.) KA SENATE. La Hana 60—Mei 1. Ma ka noho ana 0 ka Senate ma keia ia hope o ka lakou mau hana, ua heluhelu mai la ke Kakauolelo he palapala mai ke Kakauolelo mai o ke e hoike mai ana i ke kakauinoa ana o ke Kiaaina i kekahi mau Bila. Na Smith no ke komite Hookolokolo i waiho mai i kana hoike maluna o na Bila Helu 37, 55 ame 34 o ka Senate, e noi mai ana e waihoia keia mau Bila ma ka papa. Na Knudsen hoi i ka hoike a ke komite Kuikawa maluna o ka Bila Helu 102 o ka Senate, e noi mai ana e waihoia ka Bila ma ka papa. Ua hapaiia mai ka noonoo ana maluna o na palapala hoole a ke Kiaaina, a hoopaneeia ka noonooia ana o ka hapanui o ia mau palapala a koe wale no ka palapala hoole e pili ana i ka bila ukuhana, a ma ka ninauia ana, ua kakooia ka hoole ana a ke Kiaaina, ma o ke koho ana a 9 i ka 5. Q ..... Heluhelu eleoluia ka Bila Kauka, e like me ia 1 hoololna ai, a hooholoia. I keia manawa i heluhelu mai ai ke Kakauolelo i ka palapala hoole a ke Kiaaina maluna o ka Bila Helu 103 o ka Senate e pili ana i na koi a Maka ame Lueweiko. O ke koi a ka inoa hope ka ke Senate i a e ai maluna o ka hoole ana a ke Kiaaina. N'a Senatoa Lane i waiho mai he olelo hooholo e noi ana e ukuia na hoa o ka Ahaolelo ma keia hope aku i $1,000 no ke kau o 90 la a i 10 keneka ka uku mile ma ka hele ame ka hoi ana. Ua aponoia ka Olelo Hooholo, a hoomaha ka Senate a hiki i ka hora 2 9 ka auwina la. Ua kohoia na Senatoa, Knudsen, Smith ame i kom '.0 no ka halawai pu ana me kekahi Komite o ia ano hookahi no ke kukaknka ana maluna o ka Bila Kauka Lapaau. , Ua laweia mai ka noonoo ana maluna o ka palapala hoole a ke Kiaaina maluna o ka Bila Helu 213 o ka Hale e pili ana i ka Mahele hapalua ana i na uku laikini mawaena o na Kalana ame ke Tentori, a ma ke noi a Dowsett, ua kapaeia ka noonoo ana. I ka laweia ana mai o ka Bila e pili ana i ka auhau loaa makahiki, i hooleia ai kona hooholoia ana e ke Kiaaina, ua noi mai la o Chillingworth e waihoia ka Bila ma ka papa, a hooholoia. Ma ke noi a Lane, ua hooholoia e kakoo i ka hoole ana a ke Kiaaina maluna o ka Bila e pili ana i ka Haukipila Ma i Lepera. Na Chillingworth i waiho mai i ka hoike maluna o ka Bile Helu 61 e pili ana i ka Aila Mahu, a hooholoia ka Bila e like me ia i hoololna āi. Na Lane i waiho mai i ka hoike ma ka aoao o ke komite Pa'i e hoike mai ana, ua hiki aku ka nui o na dala i hooliloia no ka unuhi ame ke pa'i ana i na Bila i ka $2,306.60; waihoia ka hoike ma kahi hoahu Na Dowsett i ka hoike maluna o ka Bila Helu 16 o ka Senate, e pili ana i ke koho ana i mau komite kula iloko o na Kalana, e hoaiai mai ana e waihoia ka Bila ma ka papa, a no ka loaa ole o ka mea nana e kokua mai i kana hoike, nolaila, ua noi mai la oia e hooholoia ka Bila ma ka heluhelu elua ana. Hooholoia. Ma ke noi a Dowsett, ua waihoia ma ka papa ka Bila Helu 217 o ka Hale, e pili ana i kekahi mau dala laikini i ohi hewaia ai. Mai ke Kiaaina mai i loaa hou'mai ai he palapala e hoole mai ana i ka hooholo ana i ka bila Pa Aupuni Helu elua, a ma ke koho ana a na Senatoa, ua a'eia maluna o ka hoole ana a ke Kiaama, ma ke kolio ana a 12 i ka 3. . . Iloko no hoi o keia manawa hookahi i loaa pu mai ai ka papainoa o ka poe a ke Kiaaina i wae ai no na Papa Komisina no na Laikini, e like me ia malalo iho nei: No Oahu:—C. G. Ballentyne, Joseph A. Gillman, Carlos Long o keia mau keonimana ae la no na makahiki eha lakou e noho ai ma ia kulana. T T Papa Elua, no elua hoi makahiki ko lakou manawa:—J. Lucas ame A. J. Campbell. \xt v>- e, No Kauai:: —Papa Ekahi no na makahiki eha—W. H. Kiee, sr., George Wilcox ame Walter D. Mcßryde. Papa Elua, no elua makahiki—Sam Mahelona ame George ta\rClllld No Maui: —Papa Ekahi no na makahiki eha—George Copp, L. 1 von Tempsky ame J. N. S. Williams. Papa Elua no elua makahiki—C. D. Lovekin. No Hawaii: —Papa Ekahi no na makahiki eha—J. A. McGuire, John Moir ame A. W. Carter. , Papa Elua no na makahiki elua —R. A. Lyman, Jr., ame Joseph Pritchard. _ Papa Kahuwaiwai o ke Keena Buke o ka Lehulehu—Alonzo Gartley Doremus Scudder W. F. Dillingham. Na Coelho i noi mai e aponoia na inoa o na komisina Laikin; o Maui, hooholoia. Na Lane i noi mai e hoopaneeia ka noonoo ana maluna o na moa 0 na keonimana i waeia no ka Papa Kahuwaiwai o ke Keena Luke o ka Lehulehu a ka hora 8 p. m. Ma keia wahi i ku mai ai o Dowsett a haawi mai la i mau boke pua 1 kona mau hoa, me kekahi mau olelo pokole e haawi mai ana i kona hoomaikai no ka holopono o ka lakou mau hana i lawelawe ai, a mahope o keia mau olelo i hoopanee ai ka Senate a noho hou ma ka hora ewalu o ia po. r I ka noho ana o ka Senate, ua hoea mai la'ke Kakauolelo Atkinson me kekahi ope Bila i kakauinoa oleia e ke Kiaaina, oia hoi na Bila Helu 61, 215, 131, 30, 74, 114» H5» 2Ī 3 o ka Hale. U£ noonooia keia mau Bila a a'eia maluna 0 la hoole ana a ke Kiaaina. ' «• ' ' Na K'nudsen no ke komite Hoolilo i hoike mai 1 ka nui o na iioolilo, e like me keia: Mailoko ae o na Haawina o ka Teriton, ua hooliloia he $8199.18, a mailoko ae hoi o na Haawina Federala he $6589.17, ua like pu hoi ia me ka huina o fi4'7^-35-I keia manawa i laweia mai ai ka noonoo ana i na inoa o na keo,nimaii& no ka apono a hoole ana aku paha i mau Lala no ka Papa Kahuwaiwai o ke Keenā Buke o ka Lehulehu, a mahope o na kamailio loihi ana o na hoa maluna o na inoa, ua hooleia ka lilo ana o ka īnoa o Mr. Scudder i lala no ia Papa, a ua lokahi na Senatoa me ka inoa o Dillingham. Na Lane i waiho mai he olelo Hooholo e noi ana e pa'iia ke Kaii(awai Kulanakauhale oia hoi i 1500 kope ma ka Olelo Enelani a i 4,500 ma ka Olelo Hawaii, e hanaia hoi e ke Kakauolelo o ke Kalana o OpIO BIOUOdv /06 o O{3JOBI{V O BU O OlB|BlU 'IU|BO Hooholo. Ua noonooia ka Bila Ukuhana ma na itamu a he hookahi wale no itamu i kakooia ai o ka hoole ana a ke Kiaaina oia ka uku o ke Kauka Aupuni o Hilo ma ka $125, a o ka nui iho o im itamu, \ia a'e waleia no maluna o ka hoole ana a ke Kiaaina. Ua noonooia ka bila e pili ana i ka haawina dala no ke kuai ana i ka wai o Pauoa ame Kamuela, a oiai ua kakoo ka Hale i ka hoole ana a ke Kiaaina maluna o ka haawina no ka pono wai 0 Pauoa, ua noi mai la o Senatoa Lane e hahai like aku ka Senate ma ke ala a ka Hale i hana aku la, a liooholoia, a koe ka itamu o Kamuela, ua aponoia, kona hooholoia ana. Oiai ua kakoo ka Hale i ka Bila e Hookaawale ana i $11,000 no na uwapo o Kauai, ua noi mai la o Knudsen e hooholoia ka Bila me ka

i nana ole \ ke kakauinoa ole ana o ke Kiaaina, a hooholoia. Ua noonooia ka Bila Helu 213 o ka Hale, e pili ana i ka mahele l'hapalua ana i na loaa auhau, a ma ke noi a Mr. Lane, ua hooholoia ka Bila ma ka a'e ana maluna o ka hoole ana a ke Kiaaina. Ma ka hora 11130 ua koho mai la ka Peresidena i komite no ka hui pu ana aku me ke Kiaaina no ka hoike ana aku ua makaukau ka Aha e hookuu a i ka hoi ana mai o ke komite, ua hookuuia ka Aha Senate. KA HALE. 1 La Hana 60 —Mei 1. Na Rawlins i waiho mai he mau noike maluna o na Olelo Hooholo i waihoia aku iaia nia ke ano komite Hookolokolo, a pau i ka waihoia ma ka papa. Mai ke komite Hoonaauao mai no hoi he mau hooaiai ana no kekahi mau mea pono e hanaia, a uhai like aku la no ma ia alahele hookahi. He palapala ka i loaa mai mai ia C. R. Buckland mai e hoike mai ana i ke komite Moolelo o ka Hale, he 45 mau la hana o ka Hale i loaa aku iaia a i pau hoi i ke kikokikoia ame 190 mau aoao i pau i ke pa'iia, e hoike mai ana hoi oia e pau ana no ka Bttke i ka hoomakaukauia iloko o ka manawa i makemakeia ai. Ua heluheluia ae ka hoike e pili ana i na hoolilo o ka Hale ua hiki aku hoi ka nui o na dala i hooliloia i ka $16,198.54 he koena hoi i hoolilo oleia o $13,801.06. O keia mau Bila na bila i kakauinoaia; ka Bila Helu 128 o ka Senate, Bila Helu 117 o ka Hale, ka Bila Helu 238, ka Bila Helu 242 o ka Hale ame ka Bila Helu 61 o ka Senate. Na Kaleo i lawe hou niai i ka Olelo Hooholo e pili ana i ka hoomahuahua nou ana ae i ka uku o na Hoa o ka Ahaolelo i ka $1000, a maliope iho o ke kamailio loihi ana o kekahi mau hoa maluna o ia Olelo Hooholo, ua haule, ma o ka 16 i ka 14. Ma ke noi a Mr. Rice ua hooholoia e a'e maluna o ka hoole ana a ke Kiaaina nialuna o ka Bila no na koi i uku oleia. 0 ka itamu o $11,000 o Kauai, i hooneeia ae ai ma na kula ae a i na uwapo oia kekahi mea i kamailio nui ia, a ma ke noi a Coney, a i kokuaia mai e Rice, ua kakooia ka hoole ana a ke Kiaaina, o Silva wale no ko Kauai Lunamakaainana i makemake e a'e ae maluna o ka hoole ana a ke Kiaaina. Ua hapai houia mai ka noonoo ana maluna o ka itamu o $14,000 no ke kuai ana i ka pono wai o Pauoa a ma ka ninauia ana, ua haule a ma ke noi a Kaniho e a'e maluna o ka hoole ana a ke Kiaaina maluna o ka itamu o Kamuela, ua hooholoia. 1 keia manawa i komo mai ai ke Kakauolelo nie na ope Bila i kakauinoaia e ke Kiaaina, oia hoi na Bila Helu 204, 197 ame 202 o ka Hale. Na ke komite Kuikawa i hoike mai i ka hoike maluna o ka Bila Kauka Lapaau, e hoike mai ana hoi i ke kuikahi ole me ke komite o ka Senate maluna o ia Bila a noi mai ke komite e waihoia ka bila ma ka papa. Aponoia ka hoike ake komite. Ua hoomaha iki ka Hale ma kana mau hana mau, a ua kaa ka hoolohe ana i ka ha'iolAo a Castro. Ua ku mai o Kaleiopu a noi mai e noonoo houia ke koho ana maluna o ke koho e kakoo ana i ka hoole ana a ke Kiaaina e pili ana i ka mahele hapalua ana i na uku Hoopa'i o na Aha Hookolokolo ame na Loaa Laikini, a hooholoia ke noi a Kaleiopu. Na Pali i noi mai e noonoo houia ka Bila Hoaie o Maui, a i kokua* ia mai hoi e Nakaleka, a ma ka ninauia ana, ua hooholoia e a'e maluna o ka hoole ana a ke Kiaaina. U hapaiia mai ka noonoo ana maluna o ka Bila Helu 30 o ka Se nate a a'eia na itamu apau maluna o ka hoole ana a ke Kiaaina, a koe he hookahi wale no itamu i kakooia ai ka hoole ana a ke Kiaaina oia ko ke Kauka Aupuni o Hilo. Na Rice i noi mai e kohoia i komite o elima lala no ka hoike ana aku i ke Kiaaina ame ka Senate uH makaukau ka Hale e hopkuu 1 kana hana, a mahope o ke kokuaia ana o ke noi, ua kohoia keia mau keonimarua i mau lala no ke komite: Rice, Paoo, Nakaleka, Alawa ame Nailima. . Oiai e kali ana ka Hale i ka hoike a ke komite i koho ia iho la, ua noiia aku o Mr. Rawlins e haawi mai i ha'iolelo. hoi mai la ke komite a hoike mai la i ka hookoia ana o ka hana i hoounaia aku ai e hana, ama ka hora 1148, ua hookuu ka Hale iloko o na leo huro no ka Lunahoomalu ame na hoa Hanohano o ka Hale.