Ka Nupepa Kuokoa, Volume XLII, Number 18, 3 May 1907 — NA IKAMU O MAUI. [ARTICLE]
NA IKAMU O MAUI.
Ua hauoli loa kekahi mau kula aupuni o Maui i ka loaa ana ak» o keleāhi mau makaiia no na hana hookuku o ka La Kanu Laau i malamaia iho nei. E lioomaikaiia o Kokua Kakauolelo Cox o ka Papa Hoonaauao no kana mau hana maikai. Nui ke pohihihi o kekahi poe koho balota o Maui e pili ana i ka bila kanawai Koho Balota Waiona. Ua kuhihewa kekahi poe o lakou jbe bila kanawai ia e paniku loa ana i ke kuai ana o ka rama. Ma ka la 20 o Mei e kuai aku ai o Komikina Aina Aupuni Pratt aia ke kudala ma Honolulu he 154 eka o ka aina hanai holoholona ma Hanehoi, Koolau ma o aku o Huelo. He $770 ke kumukuai haahaa. Ke pii nei ke kulana o kauhale o Kahului. He nui hale hou i kukuluia a i hooponopono houia. Ua hala aku o Mr. J. C. Davies ka lunanana o na kulat aupuni o Maui, Molokai ame Lanai i Molokai no ka makaikai ana i kolaila mau &ttla. He maikai ka makani o Maui i keia mau la.