Ka Nupepa Kuokoa, Volume XLII, Number 18, 3 May 1907 — O COOKETT UA HALA. [ARTICLE]

O COOKETT UA HALA.

MAUI, Aperila 26.—Ma ke kakahiaka o ke Sabati ka la 21 iho nei 1 haalele mai ai o Mr. George Cockett i keia ola, ma ka Halema'i o Paia mahope iho oka ma'i ana. He kamaaina keia i ike nuiia ma ka lianai holoholona ma Kula. Ma ke akepaa kona nawaliwali i kupu mai ai. Ua hanauia o Mr. Cockett ma Waikapu ma kahi o 56 makahiki i hala aku nei. He kane wahine-make oia oiai ua haalele mua mai kana Ewa iaia he manawa pokole no i hala ae nei. Ua haalele iho, oia he keikikane, o Mr. Patrick Cockett opio, ke kumupoo o ke kula aupuni 0 Ulupalakua a he kaikamahine hanauna, a oia o Mrs. J. T. De Bolt ka wahine mare a Lunakanawai Kaapuni De Bolt o ka Aha Kaapuni o Honolulu nei. Mawaho ae o keia he nui na pili e noho nei. KO HAWAII MAU ANOAI. HILO, Aperila 26.—He pauahi ka i ikeia iloko o ka Haleukana o Davies ma Alanui Front ma ka Poaha oka pule i hala. He nui ka puna iloko o keia haleukana, aka, he hookaawale loaia ka wai mailaila aku; a aole no i nui ka poino o ka hale ame ka ukana pu. Aia ma kahi o $300 ka nui o ke poho pauahi. Ma ka pule aku'nei i hala i nalowale ai o Polopeka Friedlaender, he kanaka Ike akeakamai iaia e makaikai ana ika luaopele. Ua hookana huakai makaikai 1 ka hora elua o ka auwina la a aia ka hoea ana i kauhale i ka hora ekahi o ka wanaao mahope iho o ka nakuhele ana. laia e alakai ana i kona lio i kamaaina i ka poe makaikai ma ka inoa o "Kaiser" 110 na makahiki loihi ua haule aku la oia iloko o kekahi luameki a make loa. lie Kepani kona ukali aua nalowale aku no hoi kona lio no kekahi manawa loihi a i ka loaa ana aku ua eha aole nae i ke kukonukonu loa. ' O ka hihia pepehikanaka o Shimaza Kane, ka mea hoi nana i hou aku me ka pahi ia Kurachigi Tokugi, he Kepani no i hanaia ma Papaikou ma ke kakahiaka Poaono i hala ua hoihoiia aka laweola. Ma :ka huli pono &na ia ua ikeia o ka olelo hooholo no ka pepehikanaka aole ia o ke kaulike, no ka mea, ua a'ia'i loa na hiohiona no ke pale ana iaia iho i pakele ai mai ka make mai. Ua hookuuia aku ka wahine me ka laelae malalo no nae o ka bona o $2000. Mamuli o ka puiwa ana o ka lio o kekahi kaapio o kekahi Kepani 1 holopupule aku ai oia a kau ana i ka lanai o ka hale kahi e noho ana o Mana Pilioula o eha makahiki, a hooku'i aku la ke kaa i ke kamaiki, a mahope oka hala ana oka hapalua hora ua make aku la oia. Ua 'puiwa ka lio mamuli o ke kaa otomobila ke kumu i puka ai ka olelo hooholo ahewa ole a ke Koronero.