Ka Nupepa Kuokoa, Volume XLII, Number 16, 19 April 1907 — Moolelo Pokole no Kapena Sadjo "KUU AINA HANAU KA MUA, MAHOPE KE ALOHA [ARTICLE]

Moolelo Pokole no Kapena Sadjo

"KUU AINA HANAU KA MUA, MAHOPE KE ALOHA

E hahana ana ka paio i kela manawa, c haule ana na koa o Kipena Sadjo ma o a maanei, aka ua hoomau aku la 110 o Kapena Sadjo imna. Ma ka aoao o kela pali kiekie, maluna ona pohaku ame na a-a like ole, na nahelehele ame na mea apau, ua loheia aku ka leo o Kapena Sadjo e paipai ana i kana mau keiki aloha e hoomanawanui. Maluna o kona poo e hulali ana kana pahikaua. Me ka puiwa nui aia hoi ike aku la o Kapena Sadjo i kekahi alii Rukini e ke'ake'a ana i kona alahele. Kilohi aku la kona maka maluna o ua alii Rukini nei a ike aku la oia me ka hoohewahewa ole o Kapena Kawika (Savitch) kona hoa paio o na makahiki i hala mahope o ka wahine hookahi. O Kapena S?Jjo ame Kapena Kawika mahope o ka wahine hookahi, ano i keia manawa ua hui iho la laua he alo a he alo imua o ke kahuakaua, e ana ana i ka oi o ka laua mau pahikaua. O kela koko hakaka o kona mau kupuna ua.paila koke ae la iloko o kona mau aa koko ame ke kali ole iho ua lele aku la oia maluna o kona hoa paio. Oiai o Kapena Kawika he kanaka kaulana iloko o Rusia ma ke kakapahi, ua lilo iho la no nae oia me he mea ole la ia Kapena Sadjo, ua haule aku la oia ilalo o ka honua, a kaili ku ia ae la kana pahikaua. Me ka emoole ua kau iho la o Kapena Sadjo maluna o Kapena Kawika, a o kana pahikaua i kela manawa e kau ana iluna ua makaukau no ka hoouna ana aku iaia 110 ke ala hoi ole mai. Aka, iaia i nana iho ai Kapena Kawika, oiai oia e makaukau ana no ka hookuu ana iho i kana pahikaua maluna o kona hoa paio, aia hoi ike iho la oia e lewalewa ana imua o ka umauma o Kapena Kawika ke kii o ka u'i ana i aloha ai, ke kii hoi o KaMadame Silkoff. O ka pahikaua ana i hapai ai'me ka manao e lawe ae i ke ola mai kona hoa paio aku, ua haule wale iho'la no ia ma kona aoao. Ua kapae ae la oia i kana' pahikaua. Kulou iho la oia, lalau aku la ina lima |o Kapena Kawika a hapai aku la iaia a ku iluna. "E Kapena Kawika," walii ana i pane aku ai, "ano i keia manawa e hele a hoike aku ia Madame Silkoff na Sadjo i hoopakele kou ola." Hul; ae la o Kapena Sadjo a kamoe pololei aku la ma kahi o kona pualikoa e kaua ana. .Huli ae la oia mahope me ka manaolana e ike ia Kawika no ka manawa hope loa aka ua liala. O ka leo huro ma kekahi aoao o ka pali oia kana i lohe e hoike mai ana ua lanakila kona puali. Ua akakuu ae la ke kaua. Hapai ae la oia i ka pahikaua a kona mau kupuna i paio ai me ka manao e hookomo ma kona wahi maa mau, aka hoomanao ae la oia i kana mea i hana ai. O keia pahikaua ua ikeia eia na kahuakaua like ole ua hoohanaia kona oi e kona mau kupuna, a ua hoouna aku kana mau hauna pahi he mau haneri a hanen i ke alanui o ka make. Ua hewa loa oia imua o kona hiau kupuna ame kona kulana koa, liewa loa imua o kona lahui ame ia pu, liewa loa imua o kona aina kulaiwi ame kona Emepera. O ka enemi (oia hoi o Kapena Kawika) iloko o kona mau lima ua hookuu palekana aku oia. O ka pio oka Emapaea ua hoopakele aku oia. Oka hanohano ona pua o Sadjoes, \ malamaia me ke kiko eleele ole ame ka hanohanp pu no-na (makahiki he nui, ua hoohaahaaia e ia. O kona ola i keia manawa he mea ole ia. O ke a'o paa o na Sumurai aole oia i poina. Huki ae la oia i ka pahikaua ana i hoohaahaa ai, kukulu iho la i ka hila ilalo o ka honua, a haule iho la oia maluna o ka oi o ka pahikaua a nalohia aku la kona uhane ma o. KA HOPENA.