Ka Nupepa Kuokoa, Volume XLII, Number 14, 5 ʻApelila 1907 — HE HOALOHALOHA. [ARTICLE]

HE HOALOHALOHA.

Ka Nupepa Kuokoa, Honolulu, Aloha oe:— Ina paha e loaa mal ana i kou ahonui i wahi kaawale o kou kino lahilahi no ka makou ukana hoeha puuwai oia keia malalo iho nei: Ia Mrs. Kawaha Hanakahi, Kalaupapa, Aloha oe: Me ka naau iuuluu ame ke aloha hoeha puuwai ame ka minamina nui no hoi makou e kakau nei i keia: Oiai ua oluoiu i ka Haku ke kii ana mai la i kana o ka Uhane a waiho iho | la i ke kino koo-u o ko makou hoaloha J. D. Kahaleaimoku nau e ka makuahine e kumakena ma ka wanaao Poalima Malaki 15, 1907, nolaila E hooholoia. O makou o na haumana Kula Sabati ame na lala o ka Ahahui Hooikaika Krittiano o ka Ekalesia Hoolepope o Kalaupapa, Molokai. ma o ko makou komite hui la ke komo J pu nei makou e kanikau pu me oe no ko makou hoa paahana iloko o Kristo I! haalele iho ia kakou. A e hooholoia. Ke nonoi nei ka makou mau leo pule i ka Makua Lani e hoomama ae i kou naau luuluu. E hoomanao, Nana no i haawi mai ia oe a Nana no i lawe aku la. Oiai oe e manao ana nana e huna iho i kou mau iwi, eia ka, nau na ka: palupalu e huna iho iaia. J. K. KELIIKULI, M. K, Makaena, MRS. C. KANIKAU, MRS. K. HOLOPINAI, . MRS - E. PRANCIS, r ' Komite. Kalaupapa, Molokai, Malaki 21, 1907.