Ka Nupepa Kuokoa, Volume XLII, Number 14, 5 April 1907 — OHUOHU KA AHAAINA A KA HUI OIWI HAWAII [ARTICLE]

OHUOHU KA AHAAINA A KA HUI OIWI HAWAII

Me he mea la o ka ahaaina i malamaia e ka Hui Kokua a Hookuonoono 0 na ,Oiwi Hawaii, o ka ahaalna nul hookahi ia i malamaia ma Honolulu nei, ma kela po Poaono aku nei i hala ma ka uwapo o Burua. Aia he mau pakaukau he elima ko lakou nui o elua haneri kapuai ka loa 1 lako pono i na mea ai Hawaii o kela ame keia ano, a ma ka hoomaopopo ana i ka nul o ka poe i noho ma ka wa i ai ai ua liiki aku ma kahi o ka 826, e like me ka nui o na noho, a ke hui puia me na poe i ai mahope mai, ua hiki aku ko lakou heluna i ka hookahi kaukani a oi. Ua haliia na pakaukau me na la-i, a ua hoowehiwehiia hoi na paia o ka hale me ka ieie. Aia maiuna o keia mau pakaukau elima e kakau mai ana na umeke i hanaia me ka la-i i hikl aku ko lakou heluna i ka ewalu haneri a ua ku no i ka maiau ka hanaia ifna. Ua akoakoa mai na laia apau o ka Hui Oiwi o na kane a pela no hoi me ka Hui Oiwi o na wahine. Malaila pu ae ka Bana Puhiohe kahi i hookani ai ame ka hui hookani piia a Ellis. Ua lilo i mea no keia ahaaina e ha-. nohano ai mamuli o ka hoea ana ae o na hoa o na Hale Kaukanawai ma ia po, a ilaila lakou kahi i hooplha mua ai ia loko mamua o ko lakou holo ana aku ma ka lakou huakai no Molokai. O ka nui o ka poi i pau i ka aiia ma kela ahaaina, ua hiki aku ma kahi o ka elua kaukani paona, a he ewalu h<i puaa i kalua paaia a i laulauia no lioi kekahi. He mau amaama iawalu kekahi I h'.ki aku ka nui i ka eha haneri ame na opelu maloo o elua haneri me kanaha. O keia mau mea ai apau i hoolakoia ai, mamuli no ia o ko na lala auamo maoli ana i na hoolilo no ia mau mea, me ke k-koo ole iloko o ko lakou waihona kumau, i hiki aku hoi ka huina o na dala i luluia i ka ekolu haneri a oi.