Ka Nupepa Kuokoa, Volume XLII, Number 13, 29 March 1907 — NA SOLONA AMELIKA NO HAWAII NEI. [ARTICLE]

NA SOLONA AMELIKA NO HAWAII NEI.

Ma ka Poakahi i loaa mai ai ka mea hou mai ia McClellan mai, Kaliauolelo a ka Elele Kuhio Kalan'anaole ma ke kulanakauhale o Wakinekona, e hoike mai ana i ka meahou, oik hoi, e haalele ana na Solona Kaukanawai o A'merika Huipuia maluna o ka moku iawekoa ma ka la 30 o Aperila, a e noho ana i Hawaii nei no 18 la. Ua hoike ae ke Kiaaina mamuli o ke apono ana mai o ke Keena Kaua e haawi ana i mokuiawekoa kuikawa no ka lawe ana mai i na malihini kaukanawai 'o Amerika Huipuia, he mea ia e hooemi mai ana i na lilo. Oiai he $15,000 i hookaawaleia no ka hoolilo o keia mau malihini, ua manao ke Kiaaina aole keia huina daia i lawa pono no na lilo hotele, a pela waie aku. Ua hoike pu ae oia he mea maikai no 1 na poe kuonoono o ke kulanakauhale nei ke kono aku i kekahi o keia mau malihini e kipa mai ana e noho ma ko lakou mau home. "O kona home," wahi ana, "ua hamama kona ipuka i na malihini i na manawa apau." Ke hoomakaukau mai n|i na kanaka kuonoono o ke kaona no ka hookipa ana ia lakou me ka ohaoha, a he hana maikai no hoi i na keiki o ka aina kulaiwi ke malama i ka maluhia, malama i ke kulana keonimana, no ka hoike piha ana aku 1 na malihini, he lakui kakou aole iloko o ke au o Waawaaiki Naaupo, aka he lahui kanaka i kulike aku no ke ano me lakou.