Ka Nupepa Kuokoa, Volume XLII, Number 13, 29 March 1907 — HOOPAU IA NA HEIHEI WAAPA MA EWA. [ARTICLE]
HOOPAU IA NA HEIHEI WAAPA MA EWA.
Me he mea la e hookaumahaia aku na makaainana aloha o Ewa ame na makaainana no apau i makee nui loa i ka heihei waapa mawaena o ka Makala ame ka Healani i ka iohe aku i ka hoopau ia ana ae la o ko laua he'hei hou aha malalo o ke Awa Hamau Leo o Ewa. He mea maa mau, mai kinohl loa mai no, o ka malamaia ana o na heihei malalo o kona malumalu, aka, mamuli o ka nui o na hooiilo, ua hooholo iho la na Kalapu o Makala ame Healani, e hoopau loa ka malamaia ana oka heihei ma ke awa o Ewa. He puupuu ikaika keia e hookaumaha ana i na keiki puni heihei o ke Kalana o Oahu nei, aka, aole e hiki ke alo ae, ina he mea hiki ole i na kalapu i hoikeia ae la maluna ke hana., Ua hoao lakou e hana e like me ka hiki la lakou, a o ka hopena iho la keia o ka hoopau loa ia ana o ka helhei malalo o ka aina I'a Hamau Leo o Ewa.